قودس.. شیرەتکارێن ئاساییشا ئەمریکا، رۆسیا و ئسرائیلێ دێ کۆم بن

قودس.. شیرەتکارێن ئاساییشا ئەمریکا، رۆسیا و ئسرائیلێ دێ کۆم بن

WAAR-دهۆك:

وەزارەتا دەرڤە یا رۆسیا راگەھاند؛ ھەرسێ شیرەتکارێن ئاساییشا نەتەوەیی یێن رۆسی، ئەمریکی و ئسرائیلی دێ ل باژاری قودسێ کۆم بن و دێ پرسێن سووریێ و رۆژھەلاتا ناڤین گۆتوبێژ کەن.
ئەرتیۆم کۆجین، رێڤەبەرێ پشکا رۆژنامەڤانی ل وەزارەتا دەرڤە یا رۆسیا راگەھاند؛ ھەر ئێک ژ نیقۆلای پاترۆشیف، جۆن بۆلتۆن و موئیر بن شەبات دێ ل قودسێ کۆم بن، دێ گاڤێن ھەڤپشک بۆ چارەکرنا قەیرانا سووریێ و پرسێن رۆژھەلاتا ناڤین گۆتوبێژ کەن.
کۆچین ئاشکرا کر، رۆسیا گرنگیەکا مەزن ب وان پرسان ددەت و ب دیتنا وان رێککەفتنین نوو و دوور ژ رێککەفتنێن ئەستانە،‌ دێ ھاریکار بن بۆ چارەکرنا پرسا سووریێ و نەھێلانا تیرۆرێ ل سەر ئاخا وی وەلاتی، ھەروەسا بۆ ڤەگەریانا پەنابەر و ئاوارەیان و ئاڤەدانکرنا سووریێ ب زووترین دەم.
ژ ئالییێ خوەڤە بنیامێن نەتەنیاھۆ، سەرۆکوەزیرێن ئسرائیلی ئەو کۆمبوون ب دیرۆکی ناڤکر و ئاشکرا کر، دێ کۆمبوونەکا گرنگ بیت و دێ شێت سەقامگیریێ و ئاشتیێ ل رۆژھەلاتا ناڤین بەرقرا کەن.

بابه‌تێن ب ڤێ مژارێ ڤه‌ گرێدای