قوباد تاله‌بانى و بانگه‌شه‌یێن وى

كارزان فه‌قى

هێشتا ئێكه‌تییا نشتیمانیا كوردستانێ ژ بۆ كرنا هه‌لژارتنان خوه‌ ئێكلا نه‌كرى، سه‌رۆكێ لیستێ وێ بانگه‌شا ده‌ستپێكریه‌، ده‌ستپێكرنا وێ بانگه‌شێ ژى نه‌ ب پرۆژه‌یێ حزبا خوه‌، به‌لكو هه‌موو ئه‌و ده‌سته‌كه‌فتێن ل ده‌مێ بۆرى حكومه‌تا هه‌رێمێ ب ده‌ستڤه‌ ئیناى؛ قوبادێ تاله‌بانى د گوتارێن خوه‌ دا به‌حس دكه‌ت، د ده‌مه‌كى دا ئێكه‌تى ب تنێ قوباد دناڤا حكومه‌تێ دایه‌ و راگه‌هاندنا ئێكه‌تى  ژى وه‌كو تۆبخانه‌یه‌كێ دژى هه‌موو كار و پرۆژه‌یێن‌ حكومه‌تا هه‌رێمێ كاردكه‌ت، ئه‌وێ سه‌یر ل ڤێرێ ئه‌وه‌‌، حزبه‌ك ب راگه‌هاندن و په‌رله‌مانتارێن خوه‌ڤه‌ دژى گه‌له‌ك ژ كار و پرۆژه‌یێ حكومه‌تێ بیت،‌ د هه‌مان ده‌م دا كو ژ بۆ هه‌لبژارتنان نزیك دبن، پرۆژه‌یێن وێ حكومه‌تێ ببیته‌ ماتریالێ بانگه‌شه‌ و دیدار و داخویانێن وان. دناڤا هه‌موو ئه‌ندامێن سه‌ركرداتییا ئێكه‌تى هیچ ئێك ژ وان شك نابه‌م كو دژى حكومه‌تێ داخویانى نه‌دابن، د سیاسه‌تێ ژى هه‌ر وه‌سایه و داخویانى كارتێكه‌رن‌، گه‌له‌ك جاران داخویانى پتر ژ كریارێ رۆلێ خوه‌ د راوه‌ستاندنا كارو بزاڤێن حكومه‌تێ و وروژاندنا هه‌ستێ خه‌لكى دژى حكومه‌تێ دبینن. لێ حكومه‌تا هه‌رێمێ ب سه‌رۆكاتیا نێچیرڤان بارزانى شیا هه‌موو ئه‌و گڤاش و دۆرپێچا ل سه‌ر هه‌رێما كوردستانێ هه‌ى ژناڤ ببه‌ت، هه‌روه‌سا شیا ئه‌و شۆكا كو پشتى روودانێن 16ى ئكتۆبه‌رێ بۆ مۆرالا خه‌لكێ كوردستانێ ژ ئالیێ نه‌ته‌وى ڤه‌ دروست بووى، بۆ ره‌وشا جاران ڤه‌گه‌رینیت و باوه‌ریێ دناڤبه‌را ده‌سته‌لات و خه‌لكى تاراده‌یه‌كێ ئاڤا بكه‌ته‌ڤه‌، بێگومان پارتى وه‌كو حزب و راگه‌هاندن ژى هیچ ده‌مه‌كى ل دژى پرۆژه‌ و پلانێن حكومه‌تێ نه‌بوویه‌، د هه‌مان ده‌م دا وه‌كو راگه‌هاندن ژى بوویه‌ مینبه‌ره‌ك دناڤبه‌را حكومه‌ت و ده‌ستهه‌لاتێ دا، ئه‌وێ جهێ سه‌رنج و تیبینى ئه‌وه‌ كو نها قوباد تاله‌بانى هه‌موو وان ده‌ستكه‌فتێن حكومه‌تێ بۆ ئێكه‌تى كریه‌ ناڤ، دده‌مه‌كى دا كو ئێكه‌تى بخوه‌ ئه‌گه‌رێ وان هه‌موو قه‌یرانان بوویه‌، دده‌مێ روودانێ 16ى ئكتۆبه‌رێ ژى قوباد تاله‌بانى ب ئێك دێر ژى هه‌لوێستێ خوه‌ ل هه‌مبه‌ر وێ خیانه‌تێ نیشان نه‌دا، كه‌واته‌ مانا قوباد تاله‌بانى د حكومه‌تێ دا وه‌كو جێگرێ سه‌رۆكێ حكومه‌تێ دوو روویاتییه‌ك دناڤدا بوویه‌، جاره‌كێ د هه‌موو سه‌ره‌دان و روونشتنێن ل گه‌ل سه‌رۆك وه‌لاتێن بیانى ل پشت نێچیرڤان بارزانى دهاته‌ دیتن، جاره‌كێ ژى مه‌دیا حزبا وى دهۆلا گرتنا قۆشته‌په‌ و چۆلكرنا هه‌ولێر و سه‌رێ بلند و ئیفلاسبوونا حكومه‌تێ دقوتا.  ئیدى ئه‌ڤ رویێ ڤه‌شارتیێ ئێكه‌تێ و نوونه‌رێن وان دحكومه‌تێ دا نه‌ بتنێ بۆ خه‌لكێ كوردستانێ ب گشتى، به‌لكو ب تایبه‌تى ژ بۆ ئێكه‌تى دیاربوو، له‌ورا ئه‌و گۆتنا كو نها دناڤا كۆمبوونێن ئێكه‌تى و گۆرانێ به‌لاڤبووى كو ترسا وان ژ وێ یه‌كێ پارتى د هه‌لبژارتنا بهێت دا بكاریت ب ته‌نێ حكومه‌تێ درووست بكه‌ت؛ بوویه‌ ئه‌گه‌رێ لڤینا كورسیا قوبادێ تاله‌بانى، هه‌ر ژ به‌ر ڤێ یه‌كێ ژى كو شاندا ئێكه‌تى ژ ئالییه‌كێ بزاڤا پاشخستنا هه‌لبژارتنێن په‌رله‌مانێ كوردستانێ ل گه‌ل ئالیێن نه‌رازى دكه‌ن، ژلایه‌كێ دیڤه‌ قوباد تاله‌بانیێ سه‌رۆكێ لیستا وان بانگه‌شه‌ ده‌ستپێكریه‌ و هه‌رتشته‌كێ كو ئێكه‌تى به‌ریا نها ل دژى راوه‌ستیایه‌، نها ئه‌و بخوه‌ دكه‌ته‌ ده‌ستكه‌فت، لێ ب قه‌ول و گۆتنا بزاڤا گۆران كو د خوه‌نیشاندانێن خوه‌ دا هه‌ر دووباره‌ دكر، (خه‌لك هشیاره‌، خه‌لك هشیاره‌) دێ هه‌لبژارتنێن بهێت یێن هه‌رێمێ ئێكلا كه‌ت.

 

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.