قوباد تاله‌بانى ل گه‌ل سه‌رۆكا ئه‌ستۆنیا كۆم بوو

قوباد تاله‌بانى ل گه‌ل سه‌رۆكا ئه‌ستۆنیا كۆم بوو

WAAR-دهۆك:

قوباد تاله‌بانى جێگرێ سه‌رۆكێ حكومه‌تا هه‌رێما كوردستانێ ئه‌ڤرۆ ل پایته‌ختێ ئه‌ستۆنیا ل گه‌ل سه‌رۆكا وى وه‌لاتى و سه‌رۆكوه‌زیرا گزیرته‌یا ئارۆبا كۆم بوو.
شانده‌كا بلند یا حكومه‌تا هه‌رێما كوردستانێ، دوهى ب سه‌رۆكاتییا قوباد تاله‌بانى، جێگرێ سه‌رۆكێ حكومه‌تێ گه‌هشت تالینا پایته‌ختێ ئیستۆنیا و ئه‌ڤرۆ پشكدارى كۆنگره‌یێ نێڤده‌وله‌تى یێ حكومڕانییا ئه‌لكترۆنى بوو، كو دێ تا سوبه‌ به‌رده‌وام بیت.
قوباد تاله‌بانى د لاپه‌رێ خوه ‌یێ تۆرا جڤاكی یا تویته‌رى دا به‌لاڤ كرییه‌، کو د چارچووڤێ وى كۆنگره‌یى دا، ئه‌ڤرۆ ل گه‌ل كێرستى كالیۆلایت، سه‌رۆكا ئیستۆنیا و ئه‌ڤه‌لین ویفه‌ر كرۆز، سه‌رۆكوه‌زیرا گزیرته‌یا ئارۆبا كۆم بوویه‌.
تاله‌بانى دا یه ‌زانین ژى: سوبه ‌دێ وه‌كو مێهڤانه‌كێ سه‌ره‌كى یێ كۆنگره‌یى، پشكدارى په‌نه‌له‌كێ تایبه‌ت ل دۆر گاڤێن حكومه‌تا ئه‌لكترۆنى ل هه‌رێما كوردستانێ بیت و دێ چه‌ندین دیدارێن سیاسى ژى، ل گه‌ل مێهڤانێن كۆنگره‌یى رێكئێخیت.

بابه‌تێن ب ڤێ مژارێ ڤه‌ گرێدای