قاسم سلێمانی ده‌ست ب دانوستاندنێن پێكئینانا حكومه‌تا ئیراقێ كرییه‌

قاسم سلێمانی ده‌ست ب دانوستاندنێن پێكئینانا حكومه‌تا ئیراقێ كرییه‌

WAAR-دهۆك:

د راپۆرته‌كێ دا ئاژانسا رویته‌رزێ ئاماژه‌ ب سه‌ره‌دانا فه‌رمانده‌یێ فه‌یله‌قا قودس یا سوپایێ پاسدارێن ئیرانێ بۆ ئیراقێ كرییه‌ و دایه‌ زانین كو سه‌ره‌دانا وی بۆ پێكئینانا حكومه‌ته‌كێ یه‌ ژ ئالیێ ته‌هرانێ ڤه‌ بهێته‌ په‌سه‌ندكرن.
لگۆره‌ی رویته‌رزێ كو ژ زارێ دو ژێده‌رێن هایدار به‌لاڤكرییه‌: قاسم سلێمانی ل رۆژا شه‌مبیا بۆری كو رۆژا ب رێڤه‌چوونا پرۆسه‌یا ده‌نگدانێ بوو سه‌ره‌دانا ئیراقێ كریه‌ و تا نها ژی ل به‌غدایه‌ و دانوستاندنان دگه‌ل ئالیێن سیاسی یێن ئیراقێ دكه‌ت.
د راپۆرتێ دا هاتیه‌ ژی: ئێك ژ وان دوو ژێده‌رێن رویته‌رزێ پشتبه‌ستن ل سه‌ر كری ب رۆلێ ناڤبه‌ینكاریێ رادبیت د ناڤبه‌را سه‌دری و ئالیێن دیتر دا و ب گۆتنا وی ژێده‌ری، هه‌ڤپه‌یمانیا سائیرون ره‌ت دكه‌ت هه‌ڤپه‌یمانیێ دگه‌ل ئیرانێ بگرێده‌ت و ب به‌رنامه‌یه‌كێ نیشتیمانی ته‌ڤلی هه‌لبژارتنان بوویه‌.
ئاشكه‌را كر: قاسم سلێمانی دگه‌ل هه‌ڤركێن سه‌دری ده‌ست ب دانوستاندنان كریه،‌ داكو هه‌ڤپه‌یمانیه‌كا شیعی پێكبینن و ببه‌ته‌ سه‌ر ده‌ستهه‌لاتێ ژ بۆ كو ل پاشه‌رۆژێ سه‌رپێچیا خواستێن ته‌هرانێ نه‌كه‌ن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.