فەلووجە.. بەرپرسێ مووچەیێن داعشێ ھات گرتن

فەلووجە.. بەرپرسێ مووچەیێن داعشێ ھات گرتن

WAAR-دهۆك:

د ئۆپەراسیۆنا ئیرادەیا سەرکەفتنێ دا، ھێزێن ئیراقی بەرپرسێ مووچەیێن داعشێ ل رۆژھەلاتێ باژارێ فەلووجە گرت.
ژێدەرەکێ ژ فەرماندارییا حەشدا ئەنبارێ بۆ مەدیایێ ئیراقی گۆت: ھێزێن ئێمناھیێ د ئۆپەراسیۆنا ئیرادەیا سەرکەفتنێ دا، یاکو دوھی قۆناغا دویێ دەستپێکری، شییان بەرپرسێ مووچەیان یێ رێکخستنا تیرۆرستی یا داعشێ ل رۆژھەلاتێ باژارێ فەلووجە بگرن، ئاماژەکر کو ئەو بەرپرسێ داعشێ ژ کەسێن نێزیکی بەغدادی بوو.
ژ ئالیەکێ دیڤە ھات راگەھاندن، کو ھێزێن ئیراقی د دووەم رۆژا ئۆپەراسیۆنا ئیرادە دا، دوازدە گوندێن دەڤەردارییا تارمییە یا باکۆرێ بەغدایێ، ژ شانەیێن ڤەشارتی یێن داعشێ پاقژبکەن.
حەشدا شەعبی و ھێزێن ئیراقی ل دەستپێکا ڤێ مەھێ قۆناغا ئێکێ یا ئۆپەراسیۆنا ئیرادە و نەسر بۆ پاقژکرنا سنۆرێ پارێزگەھێن نەینەوا، سەلاحەددین و ئەنبار دەستپێکربوو.

بابه‌تێن ب ڤێ مژارێ ڤه‌ گرێدای