فۆرن پۆلسی: چەکدارێن سەر ب تورکیا ڤە داعشییان ژ زیندانان ئازاد دکەن

فۆرن پۆلسی: چەکدارێن سەر ب تورکیا ڤە داعشییان ژ زیندانان ئازاد دکەن

WAAR-دهۆك:

گۆڤارەکا ئەمریکی ئاشکرا کر: کو چەکدارێن ئۆپۆزسیۆنا سووری یێن تورکیا پشتەڤانییێ لێدکەت دەست ب ئازادکرنا داعشییان ل زیندانێن رۆژئاڤایێ کوردستانێ کریە.
ل گۆری گۆڤارا فۆرن پۆلسی یا ئەمریکی کو ژ زارێ دو بەرپرسێن ئەمریکی بەلاڤکریە، ئاشکرا کر: کو ل دەمەکێ سوپایێ تورکیا ھێرشا داگیرکرنا باکۆری رۆژھەلاتێ سووریێ دەستپێکریە، چەکدارێن ئۆپۆزسیۆنا سووری یێن دوێ ھێرشێ دا پشتەڤانییا تورکیا دکەن، دەست ب ئازادکرنا داعشییان کریە ل زیندانێن رۆژئاڤایێ کوردستانێ.
گۆڤارێ دیار ژی کر: کو ھەر وان چەکدارن د بۆسەیەکێ دا ھەڤرین خەلەف ھەڤسەرۆکا پارتییا پاشەرۆژا سووریێ د گەل شوفێرێ وێ لسەر رێیا سەرەکییا قامشلۆ بۆ رەقە ب ھوڤانەترین ئاوا شەھیدکربوون.
ئەڤ داخویانا وان بەرپرسێن ئەمریکا ل دەمەکی یە، دوھی دونالد ترامپ سەرۆکێ ئەمریکا د توویتەکێ دا نڤیسیبوو کو دوور نینە ھەسەدە داعشییان ژ زیندانان بەردەت داکو پشکداری شەری بکەن.

بابه‌تێن ب ڤێ مژارێ ڤه‌ گرێدای