فه‌یسبۆکێ.. ریئه‌کشنس ئێخسته‌ کاری ل شوونا دیسلایکێ

فه‌یسبۆکێ.. ریئه‌کشنس ئێخسته‌ کاری ل شوونا دیسلایکێ

وار – دهوك :

دامه‌زرێنه‌رێ فه‌یسبۆکی، مارک زۆکه‌ربێرگ گه‌نگه‌شا خوه‌ ب داوی ئینا و خوه‌ ئێکلاکر ده‌رباره‌ی زێده‌کرنا دۆکمه‌یا Dislike بۆ مالپه‌رێ فه‌یسبۆکی، و جێهگرێ دیسلایکێ دێ کۆمه‌کا هێمایێن نوو بن سه‌ره‌رای دوکمه‌یا لایک دێ بکارئینه‌ر شێن وان هێمایێن نوو بکارئینن ژبۆ به‌رسڤدانا هه‌ڤالان.

زۆکه‌ربێرگی د رۆپه‌لێ خوه‌ یێ تایبه‌ت دا ل سه‌ر تۆرا جڤاکی یا فه‌سبۆکی ڤیدیۆیه‌ک به‌لاڤکرییه‌ کو ئه‌ڤ خاسله‌تا نوو شلۆڤه‌دکه‌ت کو ناڤکرییه‌ ب “Reactions”، لێ ب ره‌نگه‌کێ فه‌رمی نه‌هاتییه‌ وه‌شاندن ژبۆ بکارئینه‌رێن ڤێ تۆرا جڤاکی.
د ڤیدیۆیێدا خوه‌یادبیت کو ئه‌ڤ خاسله‌تا نوو دێ هاریکارییا بکارئینه‌رێن فه‌سبۆکی که‌ت کو به‌رسڤێ ل سه‌ر وه‌شانێن هه‌ڤالێن خوه‌ ده‌ن ل سه‌ر مالپه‌رێ تۆرا جڤاکی ب رێکا هێمایان ئه‌وێن ژبۆ چاتا ئه‌نته‌رنێتێ دهاتنه‌ بکارئینان پێشوه‌خت، مینا هێمایێ دلی ژبۆ ڤیانێ یان هێمایێ تۆره‌بوونێ یان خه‌مگینیێ یان ژی که‌نیێ.

مالپه‌رێ تۆرا جڤاکی یا فه‌سبۆکی ساخله‌تا Reactions به‌لاڤکرییه‌ ل هه‌ر ئێک ژ ئیرله‌ندا و ئیسپانیا بتنێ، و دامه‌زرێنه‌رێ مالپه‌ری چ ده‌مێن ده‌ستنیشانکری نه‌داناینه‌ ژبۆ وه‌شاندنا ڤێ ساخله‌تێ بۆ ته‌ڤایا بکارئینه‌ران.
بۆ زانین رێڤه‌به‌رییا فه‌یسبۆکی بۆ ماوه‌یێ چه‌نده‌ها سالانه‌ ل بن فشارا داخوازییا بکارئینه‌ران ژبۆ زێده‌کرنا دوکمه‌یا دیسلایک زیده‌باری دوکمه‌یا لایک، لێ مارک زۆکه‌ربێرگ رازینه‌بوویه‌ ژبۆ بجهئینانا ڤێ هزرێ و زێده‌کرنا ڤێ دوکمه‌یێ.

ژێده‌ر
http://www.skynewsarabia.com/web/article/781475/

بابه‌تێن ب ڤێ مژارێ ڤه‌ گرێدای