فه‌رسه‌ت سۆفى: مه‌كته‌بێن سیاسى یێن پارتى و ئێكه‌تى ئاماده‌كارییێن رێككه‌فتنێ دكه‌ن

فه‌رسه‌ت سۆفى: مه‌كته‌بێن سیاسى یێن پارتى و ئێكه‌تى ئاماده‌كارییێن رێككه‌فتنێ دكه‌ن

WAAR-دهۆك:

بریاره‌ ڤێ حه‌فتییێ گه‌را سێیێ یا دانوستاندنێن پێكئینانا حكومه‌تێ ده‌ستپێبكه‌ت و ئه‌ندامه‌كێ شاندا پارتی ژی رادگه‌هینیت؛ ژینگه‌هه‌كا گونجای هاتییه‌ به‌رهه‌ڤكرن و ل ده‌ستپێكێ مه‌كته‌بێن سیاسی یێن پارتی و ئێكه‌تی دێ كۆم بن.
دكتور فه‌رسه‌ت سۆفی ئه‌ندامێ شاندا دانوستاندكار یا پارتی بۆ وار راگه‌هاند؛ دانوستاندنێن پێكئینانا حكومه‌تێ ب رێیا تله‌فون و سه‌ره‌دان و په‌یوه‌ندییان به‌رده‌وامن و ژینگه‌هه‌كا گونجای بۆ كۆمبوونان هاتییه‌ به‌رهه‌ڤكرن و چاڤه‌رێیه‌ ل ڤێ حه‌فتیێ پارتی ده‌ست ب گه‌را سێیێ یا دانوستاندنان بكه‌ت و ئێكه‌م كۆمبوون دێ ل گه‌ل ئێكه‌تییا نشتیمانی بیت.
گۆت ژی: به‌رییا كۆمبوونێن شاندا پارتی، مه‌كته‌بێن سیاسی یێن پارتی و ئێكه‌تی د ڤان دو رۆژان دا دێ كۆم بن و ئاماده‌كاریێن رێككه‌فتنه‌كێ كه‌ن.
دكتور فه‌رسه‌ت سۆفی دا زانین ژی: تا نها قۆناغه‌كا باش یا دانوستاندنان ده‌ربازبوویه‌ و نها ده‌مێ رێككه‌فتنه‌كا رژده‌ و چاڤه‌رێیه‌ كۆمبوونێن ڤێ گه‌رێ د به‌رهه‌مداربن.

بابه‌تێن ب ڤێ مژارێ ڤه‌ گرێدای