فلمە فيستەڤال.. کۆمكرن و ڤەشارتنا فلمانە یان پەرەپێدان و نيشاندان؟

بەروار نووری

دەرهێنەرى ناڤدارێ ئيتالی رۆبرت روسيلينی دبێژيت “من نەڤێت فلمەكێ جوان چێكەم، بەلكو من دڤێت فلمەكێ ب مفا چێكەم” وەكى يا ديار بۆ ماوەیێ چەند ساڵانە تا رادەيەكى گرنگى ب سينەما كوردى دهێتەدان، ب هەمى كەموكورتيانڤە جهێ دەستخوشيێ يە كو هێدى هێدى كەسانێن فلمساز چ ب رێژەكا كێم ژى بيت، لێ هەست ب هندێ دكەن كو گرنگيدان ب كار و خەباتا وان دهێتە كرن. لێ کۆمكرنا فلمان و نيشاندانا وان د ماوێ حەفتيەكێ بۆ تەخەكا دياركرى يان جهەكێ دياركرى، گرنگيا فلمى و ئامانجا دەسنيشانكرى بجهناهێت. چونكى پێدڤى يە ئەم بزانين و ديار بكەين كو ئارمانجا فلمە فيستەڤالێ نەتنێ کۆمكرنا فلمايە و نيشاندانا وانە د فلمە فيستەفالان دا یان دياريكرنا يەكەمينايە و دانانا وانە د ژورين تارى و تۆزگرتی دا، لێ ئارمانج ژێ کۆمكرنا فلمايە، هەلبژارتنا باشترينايە، گرێدانا جڤاكی یە ب فلمان و راكێشانا فۆكسا جڤاكییە ل سەر فلمێن خوەمالى یێن خوەيی، وەكى ديار بۆ ماوێ 6 سالانە فلمە فيستەڤال بەردوامە، 6 جاران ل دهۆك و 3 جاران ل سلێمانيێ ب بەشداريكرنا پترى 120 فلمان د هەر وەرزەكێ فلمە فيستەڤالێ، كو دبنە ژمارەكا زۆر يا فلمان. ب باوەريا من ژمارەكا زۆر يا ڤان فلمان ب شێوەكێ باش و چیرۆكەكا جوان هاتينە سيناريۆكرن وێنەكرن. سەرەراى وان كێموكاسیێن ئابوورى و ميكانيكی کو دكەڤنە د رێكا فلمسازان دا، لێ ب راستی كارێ سينەمایێ ب نيشاندانا فلمان د فيستەڤالەكا ساڤا دا، هەكە پاشنەكەڤیت باوەرناكەم پێشبكەڤن، لەورا پێشنياردكەم ب ئەڤا ل خارێ د ڤان خالان دا: 1- تەرخانكرنا بۆدجەيەكا پێدڤى بۆ كەسانێن سەركەفتى و رێزگرتنەكا تايبەت و تەرخانكرنا يا پيدڤى بۆ كارێن پرۆفیشنالتر، 2- ڤەكرنا كەنالەكێ تايبەت ب فلمێن كوردی یێن ل فيلتەرێن كەسانێن پسپۆر دەربازدبن، ئانكو د لیژنەیا هەلسەنگاندنێ را دەرباز دبن، چونكى كێشانا فۆكسا خەلكێ خوە بۆ سينەما كوردى ب فيستەڤالى تێر نابيت، 3- كڕينا وان فلمان و نيشاندانا وان د كەنالەكێ كوردى يێ سينەمای دا (Kurd movies). يان ب هەر ناڤەكێ دی بيت و راكێشانا سەرنجا خەلكێ خوە و دويركركەتن ژ سينەما و دراما بيانى، چونكى ل سەر حکومەتێ و جهێن تايبەتمەند پێدڤيە كار بۆ گرێدانا خەلكێ خوە ب سينەما كوردى بكەن، ئەز باوەرم دێ پتر كەسانێن ب دروستكرنا فلمان رادبن، ئەكتەر و هەمى كەسێن فلمساز هەست ب هەبوونا رێزگرتنێ ل بەرهەمێن خوە كەن و دێ هەولدەن پتر خوە ماندیكەن بۆ كارێن پرۆفێشناڵتر، 4- گرێدانا سينەما كوردى ب سينەما بيانیڤە ژلايێ تەكنيك، رەوشەنبيری و كلتوریڤە ب خولێن تايبەت ژلايێ كەسانێن ئەكاديمى يێن نافخۆیی و بيانى، هيڤیيا سەركەفتنێ بۆ هەر كەسەكى دخازین کو كار کری بۆ پێشكەفتنا سينەما كوردى و گرێدانا سينەما كوردى ب چاڤێ جڤاكى كوردى.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.