فلمێ سپایده‌رمانی رێزبه‌ندییا بۆكس ئۆفیسێ وه‌رگرت

فلمێ سپایده‌رمانی رێزبه‌ندییا بۆكس ئۆفیسێ وه‌رگرت

WAAR-دهۆك:

فلمێ نوو یێ سپایده‌رمانی 580 ملیۆن دۆلار ل سینه‌مایێن ئه‌مریكا و جیهانێ كۆم كرن و رێزبه‌ندییا بۆكس ئۆفیسێ وه‌رگرت.
پشكا دویێ یا زنجیره‌یا فلمێن سپایده‌رمانی، سپایدره‌مان – فار فرۆم هۆم هاته‌ نیشاندان و شیا د ئێكه‌م حه‌فتییا نیشاندانێ دا 185 ملیۆن دۆلاران ل سینه‌مایێن ئه‌مریكا كۆم بكه‌ت و ل سینه‌مایێن جیهانێ ژی 395 ملیۆن دۆلار كۆم كرن.
فلمێ سپایده‌رمان – فار فرۆم هۆم داهاتێ خوه‌ یێ حه‌فتییا ئێكێ گه‌هانده‌ 580 ملیۆن دۆلاران و رێزبه‌ندییا بۆكس ئۆفیسا ئه‌مریكا ژی ژ فلمێ ئه‌نمه‌یشن، توی ستۆری وه‌رگرت.
پشكا 4ێ و دوماهییێ یا فلمێ توی ستۆری خوه‌دانێ رێزا دوییێ بۆ حه‌فتییا سێیێ ل سه‌ر ژماره‌ێن خوه‌ یێن باش به‌رده‌وامه‌ و داهاتێ خوه‌ یێ ڤان 3 حه‌فتییان گه‌هانده‌ 649 ملیۆن دۆلاران، كو 34 ملیۆن دۆلار ژ وان یێن ڤێ حه‌فتییێ بوون.
فلمێ یێسترده‌ی ژی چوو رێزا سێیێ یا رێزبه‌ندییا بۆكس ئۆفیسێ و د ڤێ حه‌فتییێ دا 10 ملیۆن دۆلار كۆم كرن، داهاتێ خوه‌ ژی گه‌هانده‌ 56 ملیۆن دۆلاران.

بابه‌تێن ب ڤێ مژارێ ڤه‌ گرێدای