فلمه‌كێ ئه‌نیمه‌یشن رێزبه‌ندییا بۆكس ئۆفیس وه‌رگرت

فلمه‌كێ ئه‌نیمه‌یشن رێزبه‌ندییا بۆكس ئۆفیس وه‌رگرت

WAAR-دهۆك:

فلمێ ئه‌نیمه‌یشن (سێكرێت لایف ئۆف پێتز) رێزبه‌ندییا بۆكس ئۆفیسا ئه‌مریكا وه‌رگرت و پشكا نوو یا زنجیره‌یا فلمێ ئێكس مێنی ژی ئۆپنینگه‌كا لاواز كر.
پشكا دویێ یێ فلمێ (سێكرێت لایف ئۆف پێتز) ل سینەمایێن ئه‌مریكا و جیهانێ هاته‌ نیشاندان، رێزبه‌ندییا بۆكس ئۆفیسا ئه‌مریكا ب چل و شه‌ش ملیۆن دۆلاران ژ فلمێ (گادزێلا – كینگ ئۆڤ ده‌ مانسته‌رز)ی ستاند و شییا ل سه‌ر ئاستێ جیهانێ ژی سیهـ و چوار ملیۆن دۆلاران كۆم بكه‌ت.
پشكا نوو یا زنجیره‌یا فلمێ ئێكس مێنی (دارك فۆنێكس)ی ژی ب ئۆپنینگه‌كا لاواز نیشاندانا خوه‌ ده‌ستپێ كر و تنێ سیهـ و سێ ملیۆن دۆلار كۆم كرن، كو بودجه‌یا به‌رهه‌مئینانا وێ دوسه‌د ملیۆن دۆلارن.
فلمێ (عەلائەدین) یێ کۆمپانیا والت دێزنی پیکچەرزێ ژی چوو رێزا سێیێ و د ڤێ حه‌فتییێ دا تنێ بیست و چوار ملیۆن دۆلار كۆم كرن، داهاتێ خوه‌ گه‌هانده‌ شه‌شسه‌د و چوار ملیۆن دۆلاران.

بابه‌تێن ب ڤێ مژارێ ڤه‌ گرێدای