فرەنسا: ژ نێزیک چاڤدێرییا دادگەھکرنا ئه‌كادمیێن تورک دکەین

فرەنسا: ژ نێزیک چاڤدێرییا دادگەھکرنا ئه‌كادمیێن تورک دکەین

WAAR-دهۆك:

وەزارەتا دەرڤەیا فرەنسا راگەھاند؛ ئەو ژ نێزیک چاڤدێریا دادگەھکرنا ب کۆم یا ئەکادیمیێن تورک دکەن و ئاشکرا کر؛ بالیۆزێ خوە راسپاردیە ل دادگەھێ بەرھەڤ بیت.
ئەلکسەندەر جۆرجینی، پەیڤدارێ وەزارەتا دەرڤە یا فرەنسا راگەھاند؛ وەلاتێ وی دلگرانە ھمبەری رێکارێن دادوەری دژی ئەکادیمێن یاداشتا ئاشتییێ ئیمزا کری و داخوازا راگرتنا شەرێ چەکداری د گەل کوردان کری، ژ وانا 25 مامۆستایێن زانکۆیا گەلەتە سەرای نە ل ستەنبولێ.
جۆرجینی ئاشکرا کر؛ بالیۆزێ وەلاتێ وی ل روونشتنا ئێکێ یا دادگەھێ ل ستەنبو‌لێ بەرھەڤ بوویە.
وەزارەتا دەرڤەیا فرەنسا داخواز ژ تورکیا کر رێزێ ل پیگرییێن خوەیێن ئەورۆپا و ناڤدەولەتی د بیاڤێ مافێ مرۆڤی و ئازادیێن سەرەکی دا بگریت، دوپاتی ژی ل داکوکیا فرەنسا بۆ ئازادیا زانکۆیان کر و پشتەڤانیا خوە بۆ زانکۆیا گەلەتە سەرای ئاشکرا کر، یا ب رێککەفتن د ناڤبەرا تورکیا و فەرنسا دا ل سالا 1992ێ ھاتیە دامەزراندن.
دوھی دادگەھکرنا 150 ئەکادیمێن تورکیا ل ستەنبولێ دەست پێ کر، یێن داخواز ژ حکومەتێ کری شەرێ چەکداری د گەل کوردان راوەستینن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.