فرۆکەیا 15یا کەلووپەلێن سیستەمێ S-400 گەھشت تورکیا

فرۆکەیا 15یا کەلووپەلێن سیستەمێ S-400 گەھشت تورکیا

WAAR-دهۆك:

ڤەگوھاستنا کەلوپەلێن سیستەمێ ئێس چارسەد ژ رۆسیا بۆ تورکیا بەردەوامە، ئەڤرۆ ژی فرۆکەیا پازدێ ل بنگەھێ مورتەد یێن ئاسمانی دادا.
وەزارەتا بەرگرییا تورکیا ئەڤرۆ راگەھاند؛ ڤەگوھاستنا کەلوپەلێن سیستەمێ ئێس چارسەد ژ رۆسیا بۆ تورکیا ل گۆرەی پلانا ھاتییە دانان بەردەوامە، ئەڤرۆ ژی فرۆکەیا پازدێ ھەژمارەکا کەلوپەلێن دی ژ رۆسیا گەھاندن بنگەھێ مورتەد یێ ئاسمانی ل ئەنقەرە.
ڤەگوھاستنا کەلوپەلێن سیستەمێ ئێس چارسەد یێ رۆسی بۆ تورکیا رۆژا ئەینییا بۆری دەستپێکر، تا نھا ژی پازدە فرۆکەیێن بارھەلگر کەلوپەل گەھاندینە تورکیا، ل گۆرەی گۆتنا سەرۆککۆمارێ تورکیا ژی، تا مەھا نیسانا دوھزار و بیستێ ئەو سیستەم دێ تەمام بیت و کەڤیتە کاری.

بابه‌تێن ب ڤێ مژارێ ڤه‌ گرێدای