فره‌نسا و ئوسترالیا مۆندیالا رۆگبییێ ب سه‌ركه‌ڤتنێ ده‌ستپێكر

فره‌نسا و ئوسترالیا مۆندیالا رۆگبییێ ب سه‌ركه‌ڤتنێ ده‌ستپێكر

WAAR-دهۆك:

ھەلبژارتیێ فرەنسا کاروانێ خوە د کوپا جیھانێ یا رۆگبیێ دا ب سەرکەڤتنێ دەستپێکر، دەمێ ب ٣٩ گۆلان بەرامبەر ٢١ گۆلان لسەر ھەلبژارتیێ ئەرجەنتینێ پێشکەڤتی.. فرەنسا لدەستپێکێ کۆنترۆلا یاریێ کر و نیڤا ئێکێ ب ٢٠ گۆلان بەرامبەر ٣ گۆلان بدەستڤەبر، لێ ددیڤدا تانگۆ ڤەگەرییا و د نیڤا دووێ دا ١٨ گۆل تۆمارکر، لێ یاریکەرێ فرەنسی کامێل لۆپێزی ئاستەکێ بلند نیشاندا و شییا سێ گۆلان بۆ تیما خوە تۆماربکەت و بەرەڤ سەرکەڤتنا ئێکێ د مۆندیالێ دا ببەت.

د یاریکرنەکا دیدا ھەلبژارتیێ ئۆسترالیا پاشکەڤتنا خوە دگەل ھەلبژارتیێ فیجی کرە سەرکەڤتن ب ٣٩ گۆلان بەرامبەر ٢١ گۆلان، ھەرچەندە فیجی نیڤا ئێکێ ب ١٤ گۆلان بەرامبەر ١٢ گۆلان بدەستڤەبر. لێ ئۆسترالیا د نیڤا دووێ دا ڤەگەریا و ب ٢٧ گۆلان بەرامبەر ٧ گۆلان پێشکەڤت و گەھشتە سەرکەڤتنا خوە یا ئێکێ . ھەژی گۆتنێ یە ئەڤە وەشانا نەھێ یا مۆندیالا رۆگبیێ یە و نیۆزیلەندا ب سێ ناسناڤان خۆدانا ریکۆردا ڤێ قارەمانیێ یە.

بابه‌تێن ب ڤێ مژارێ ڤه‌ گرێدای