فره‌نسا هۆشداریا پێله‌كا گه‌رمێ دا

فره‌نسا هۆشداریا پێله‌كا گه‌رمێ دا

WAAR-دهۆك:

فره‌نسا ئه‌ڤرۆ هۆشداریا پێله‌كا گه‌رمێ دا وه‌لاتیێن خوه‌ و راگه‌هاند، پێله‌كا گه‌رمێ دێ سه‌رانسه‌ری فره‌نسا و پرانییا كیشوه‌رێ ئه‌ورۆپا ب خوه‌ ڤه‌ گریت.
ده‌ستهه‌لاتا فره‌نسا هۆشداریا پرته‌قالی یا بلندبوونه‌كا مه‌زن یا پلێن گه‌رمێ ده‌ر كر و راگه‌هاند، پلێن گه‌رمێ ب درێژاهییا ڤێ حه‌فتیێ دێ ل سه‌ر چل پله‌یان دا بن و ئه‌و پێشبینیا هه‌مان ره‌وش ل پرانیا كیشوه‌رێ ئه‌ورۆپا دكه‌ن و بلندترین پله‌ دێ ل رۆژا پێنجشه‌مبی هێته‌ تۆماركرن.
ئاگنێس بویزن، وه‌زیرا ساخله‌میا فره‌نسا گۆت: هه‌ر باژاره‌ك پێدڤییه‌ د ئاماده‌باشیێ دا بیت و گه‌ر چالاكیه‌كا وه‌رزشی هه‌بیت كو مه‌ترسیێ ل ساخله‌میا وه‌رزشڤانان بكه‌ت پێدڤیه‌ بهێته‌ راوه‌ستاندن.
هه‌روه‌ها رێكخستنێن مرۆڤی ده‌ست ب به‌لاڤكرنا ئاڤێ و پانكێن بچووك بۆ كه‌سێن هه‌ژار و بێمال و حال كرییه‌.
حاله‌تێ هۆشدارییا گه‌رمێ بۆ ئێكه‌م جار ل سالا 2003ێ ل فره‌نسا هات دامه‌زراندن، پشتی پتری پازده‌ هزار كه‌سان ب ئه‌گه‌رێن گرێدایی گه‌رمێ و هه‌تاڤێ نه‌خوه‌ش كه‌فتین و ژیانا خوه‌ ژده‌ست داین.

بابه‌تێن ب ڤێ مژارێ ڤه‌ گرێدای