فرانسوا ئۆلاند: نە تنێ قەردارێن کورداینە، بەلکو ئەرکێ مەیە ب پارێزین ژی

فرانسوا ئۆلاند: نە تنێ قەردارێن کورداینە، بەلکو ئەرکێ مەیە ب پارێزین ژی

WAAR-دهۆك:

سەرۆکێ بەرێ یێ فرەنسا و دوستێ مللەتێ کورد ل دۆر ھێرشا تورکیا ل سەر رۆژئاڤایێ کوردستانێ راگەھاند: نە تنێ ئەو قەردارێن کوردانە، بەلکو ئەرکێ سەر ملێن وایە کوردان ب پارێزن.
فرانسوا ئۆلاند د ھەڤدیتنەکا رۆژنامەیا لۆ پاریزییان یا فرەنسی، دا گۆت: د چارچووڤەیێ ھەڤپەیمانییا نێڤدەولەتی یا دژی داعشێ دا، ئەوی کار ل گەل کوردێن ل سووریێ کرییە و ئەو تاکە ژێدەرێ وان بوون د شەرێ داعشێ دا ل سووریێ کو ھەڤپەیمانان پشتبەستن ل سەر کری، ب رێیا وێ ھەماھەنگییا لگەل کوردان ئەو شیان داعشێ ل باکۆرێ سووریێ ژناڤببەن.
گۆت ژی: ژمارەیەکا زێدە یا جیھادیێن داعشییان د ناڤا کەمپان دا گرتینە و پشکەکا وان فرەنسینە، ئەگەر شیان خوە رزگار بکەن دێ بنە گەف ل سەر ئەورۆپا، لەورا پێدڤیە کورد ل باکۆرێ سووریێ بەردەوام بن و ئاخ د دەستان دابیت.
سەرۆکێ بەرێ یێ فرەنسا سێ رێ بۆ چارەکرنا رەوشێ ئاشکەرا کرینە و داخواز کرییە ناتۆ ھەلوەست ل دژی تورکیا ھەبیت ژ بەرکو تورکیا ئەنداما ناتۆیە و کورد ژی ھەڤپەیمانێن وێ نە ئەڤجا پێدڤییە ئەندامەتییا تورکیا ل ناتۆ بھێتە راگرتن.
فرانسوا ئۆلاند ل دەمێ سەرۆکاتییا فرەنسا دو جاران ھاتیە ھەرێمێ و ئێکەم سەرۆک بوو ل دەمێ شەرێ دژی داعشێ ھاتییە ھەرێمێ و لگەل سەرۆک بارزانی چوویە سەنگەرێن پێشمەرگەی.

بابه‌تێن ب ڤێ مژارێ ڤه‌ گرێدای