WAAR-دهۆك:
پشتی یاریكه‌رێ ئسپانی سێسك فابریگاسی هه‌ڤبه‌ستا یانه‌یا مۆناكۆ یا فره‌نسی گرێدای.د داخویانیێن تایبه‌ت دا دیاركر كۆ ئه‌و دێ هه‌موو شیانێن خوه بۆ یانه‌یا فره‌نسی مه‌زێخیت و بۆ سێ سالێن بهێت مۆناكۆ دێ بیته مالا وی.. زێده‌تر فابریگاسی گۆت : گه‌له‌ك یێ دلخۆشم ب گرێدانا هه‌ڤبه‌ستا ڤێ یانه‌یێ و ئه‌و یێ ل هیڤیێ بزووترین ده‌م یارییا خوه یا ئێكێ ب درێسێ تیمێ بكه‌ت. ژلایێ خوه‌ڤه جێگرێ سه‌رۆكێ یانه‌یێ ڤاسیلیڤ ڤادێمی دیاركر كۆ فابریگاس یاریكه‌ره‌كێ ئاست بلنده و شاره‌زاییا وی دێ هێزه‌كا دی ده‌ته تیمێ. هه‌ژی گۆتنێ یه ستێرا ئسپانی دێ جاره‌كادی دگه‌ل تێری هێنری راهێنه‌رێ مۆناكۆ كاركه‌ت كۆ پێش نها ل یانه‌یا به‌رشه‌لۆنا یاری دگه‌ل ئێك كرییه و ره‌نگه سێسك فابریگاس ئێكه‌م یارییا خوه ب درێسێ مۆناكۆ سۆبه‌هی به‌رامبه‌ر یانه‌یا مارسیلیا ژ خۆلا فره‌نسا بكه‌ت
