غەزبان: دانوستاندنێن ھەولێر و بەغدایێ ل سەر پرسا پەترۆلێ بەردەوامن

غەزبان: دانوستاندنێن ھەولێر و بەغدایێ ل سەر پرسا پەترۆلێ بەردەوامن

WAAR-دهۆك:

وەزیرێ پەترۆلا ئیراقێ راگەھاند؛ دانوستاندنێن ھەولێر و بەغدایێ ل سەر پرسا پەترۆلێ بەردەوامن و دوپات کر: رێککەفتنا ھەردو ئالیان دێ کارتێکرن ل بودجەیێ ھەبیت.
سامر غەزبان، وەزیرێ پەترۆلا ئیراقێ د داخۆیانییەکێ دا گۆت: رێککەفتنا د ناڤبەرا ھەولێر و بەغدایێ دا ل سەر پرسا پەترۆلێ دێ کارتێکرن ل بودجەیا سالا دوھزار و بیستێ یا ئیراقێ ھەبیت و دوپات کر: دانوستاندن ل سەر رادەستکرنا دوسەد و پێنجی ھزار بەرمیلێن پەترۆلێ بۆ حکومەتا ئیراقێ بەردەوامن و چاڤەرێی بەرسڤا ئەرێنی یا ھەرێما کوردستانێ یە.
وەزیرێ پەترۆلا ئیراقێ خوەیا ژی کر: د بودجەیا سالا دوھزار و بیستێ دا بەرمیلەکا پەترۆلێ ب پێنجی دولاران ھاتییە خەملاندن.
بەری نها چەندین جاران بەرپرسێن حکومەتا ھەرێما کوردستانێ د داخۆیانییێن خوە دا دوپاتی ل بەرھەڤییا خوە بۆ رادەستکرنا دوسەد و پێنجی ھزار بەرمیلێن پەترۆلا هەرێمێ کربوو.

بابه‌تێن ب ڤێ مژارێ ڤه‌ گرێدای