عەفرین.. چەکدارێن ئۆپۆزسیۆنێ 8 سڤیلێن دی رەڤاندن

عەفرین.. چەکدارێن ئۆپۆزسیۆنێ 8 سڤیلێن دی رەڤاندن

WAAR-دهۆك:

چەکدارێن ئۆپۆزسیۆنا سووری یێن سەر ب تورکیا ڤە ھەشت سڤیلێن دی ل عەفرینێ رەڤاندن کو رێڤەبەرێ نەخوەشخانەیەکێ ژی د گەل دا یە.
ژێدەرێن نووچەیان یێن رۆژئاڤایێ کوردستانێ ئاشکەرا کر؛ چەکدارێن ئۆپۆزسیۆنا سووری یێن سەر ب تورکیا ڤە و سوپایێ تورکیا ل سەر رەڤاندنا وەلاتییێن عەفرینێ و دەردۆرا وێ بەردەوامن و ھەر کەسەکێ دھێت رەڤاندن، ل ھەمبەر کۆژمەکێ دراڤی دھێت بەردان و ئەو یەک وەک بازرگانییەکێ یە بۆ گرۆپێن سەر ب تورکیا ڤە.
دیار ژی کر؛ دوھی وان گرۆپان شەش وەلاتییێن گوندێ کەفەر سەفرە یێ ناوچەدارییا جندرێسێ دەستەسەر کرن و بەر ه‌ڤ جھەکێ نەدیار ڤە رەڤاندن.
ھەر دوھی وان گرۆپان ل عەفرینێ سەبری حەنان یێ ته‌مه‌ن 75 سالی كو رێڤەبەرێ نەخوەشخانەیا جیھان بوو ، بەر ب جھەکێ نەدیار ڤە رەڤاند.
ھاتیه‌ ئاشکەراکرن ژی؛ وان گرۆپان تنێ د حەفتییا بووری دا پتری شێست سڤیلێن عەفرینێ رەڤاندینە و د دو مەھێن بووری دا، پێنجسەد وەلاتی رەڤاندینە.

بابه‌تێن ب ڤێ مژارێ ڤه‌ گرێدای