عەدنان پاچەچی وەغەرا دوماھیێ کر

عەدنان پاچەچی وەغەرا دوماھیێ کر

WAAR-دهۆك:

عەدنان پاچەچی سیاسەتمەدارێ ئیراقی د ژیێ نۆت و شەش سالیێ دا ل وەلاتێ ئیماراتێ وەغەر کر.
عەدنان پاچەچی سیاسەتمەدارێ ئیراقێ ل سالا ھزار و نەھسەد و بیست و سێیێ ل بەغدایا پایتەختێ ئیراقێ ژ مالباتەکا ناسیار یا ئیراقی ژدایکببوو و ل سەر دەمێ دەستھەلاتا عەبدولکەریم قاسم دا، پاچەچی بالیۆزێ ئیراقێ بوو ل نەتەوەیێن ئێکگرتی و ل سەردەمێ عەبدوسەلام عارفی دا ژی وەزیرێ دەرڤە یێ ئیراقێ بوو و پشتی سالا ھزار و نەھسەد و شێست و ھەشتێ و گرتنا دەستھەلاتێ ژ ئالیێ بەعسیان ڤە، ئیراق بجھـ ھێلابوو.
پاچەچی پشتی پرۆسەیا ئازداکرنا ئیراقێ و ژناڤبرنا رژێما بەعس ل سالا دوھزار و سێیێ ڤەگەریا ئیراقێ و ل سەر دەمێ جڤاتا حوکمی دا ل کانوونا سالا دوھزار و چارێ سەرۆکاتییا جڤاتێ وەرگرتبوو و ل پەرلەمانی ژی ژبەرکو ب تەمەنترین پەرلەمانتار بوو کربوو سەرۆکێ دەمکی یێ پەرلەمانی.

بابه‌تێن ب ڤێ مژارێ ڤه‌ گرێدای