عەبدولمەھدی ل گەل لژنەیا بەرھەڤکرنا بودجەیا 2020 کۆم بوو

عەبدولمەھدی ل گەل لژنەیا بەرھەڤکرنا بودجەیا 2020 کۆم بوو

WAAR-دهۆك:

سەرۆکوەزیرێن ئیراقێ، لژنەیا بەرھەڤکرنا بودجەیا سالا 2020ێ یا ئیراقێ راسپارد ب زووترین دەم بودجە بھێت بەرھەڤکرن داکو رەوانەی پەرلەمانی بکەن.
عادل عەبدولمەھدی سەرۆکوەزیرێ ئیراقێ، ئەڤرۆ ل گەل لژنەیا بەرھەڤکار یا بودجەیا سالا 2020تێ یا ئیراقێ کۆمبوو و تێدا دوپات کر: ئەو کار دکەن بودجەیەکا وەسان بەرھەڤ بکەن بشێت ئیدارەیا ئابۆرێ وەلاتی ب ئاوایەکێ زانستی بکەت و ھەروەسا چاکسازیێن دروست و ھەموو کێشەیێن دارایی چارە بکەت.
سەرۆکوەزیرێ ئیراقێ، دوپاتی ل کارێن چاڤدێریێ و لێپرسینێ ل سەر ئەرک و بجھئینانێ و بەردەوامبوونا کۆمبوونێن لژنەیا بەرھەڤکار یا بودجەیا سالا 2020ێ کر، بۆ وێ یەکێ ب زووترین دەم بۆ پەرلەمانێ ئیراقێ بھێت رەوانەکرن.

بابه‌تێن ب ڤێ مژارێ ڤه‌ گرێدای