عەبدولمەھدی: ئالۆزییا شنگالێ ھات چارەکرن

عەبدولمەھدی: ئالۆزییا شنگالێ ھات چارەکرن

WAAR-دهۆك:

سەرۆکوەزیرێ ئیراقێ دیار کر کو ئالۆزییا ل شنگالێ د گەل پەکەکێ دا چێبوویی ھات چارەکرن و ئەو نابن ئالی د ھەڤرکییا پەکەکە و تورکیا دا.
عادل عەبدولمەھدی، سەرۆکێ وەزیرێن ئیراقێ ل دۆر پرسا ھەبوونا پارتییا کارکەرێن کوردستانێ، پەکەکێ ل سەر خاکا ئیراقێ و ئالۆزی و شەرێن د ناڤبەرا سوپایێ ئیراقێ و پەکەکێ دا ل شنگالێ چێبووین، راگەھاند: ئیراق رێکارێن ھەڤسەنگ ژ بۆ وێ پرسێ دگریتە بەر و زێدەباری ئالۆزییێن ل شنگالێ د گەل ھێزەکا نێزیکی پەکەکێ دا چێبووین، ئەوان زوو ئەو ئالۆزییە ئێکلا و چارە کر و ئەو شەرڤانێ لەشکەرێ ئیراقی خستی ژێر ترومبێلێ، ھات رادەستکرن.
عەبدولمەھدی گۆت ژی: ب باوەرییا وان پەکەکە ژی رەوشا ئیراقێ بەرچاڤ وەردگریت و ھەڤکارییا وان د گەل ھێزێن سووریایا دیمۆکراتیک، ھەسەدێ کو دھێت گۆتن نێزیکی پەکەکێ نە، گەلەک باش و مۆکمە و پەیوەندییێن وان و تورکیا ژی گەلەک باشن و پەکەک و تورکیا د ھەڤرکییێ دا نە، لەورا ئەو رەوشێ ب ھەموو رەھەندێن وێ ڤە باش تێدگەھن و ھەول ددەن چارەسەرییان بۆ ببینن و نەبن پشکەک ژ وێ ھەڤرکییێ یان ژی بکەڤن د بەرەیەکێ ھەڤرکییێ دا.

بابه‌تێن ب ڤێ مژارێ ڤه‌ گرێدای