عەبادی بۆ راگەھاندنا سەرکەفتنا ئێکجاری گەھشتە مووسلێ

عەبادی بۆ راگەھاندنا سەرکەفتنا ئێکجاری گەھشتە مووسلێ

WAAR-دهۆك:

حەیدەر عەبادی فەرماندارێ گشتی یی ھێزێن چەکدار، ب مەرەما راگەھاندنا سەرکەفتنا ئێکجاری ب سەر داعشی دا، گەھشتە مووسلێ، ل گۆری کەنالێ فەرمیێ ئیراقێ ژی، مووسل ب تەمامی ھات رزگارکرن.
پەیامنێرێ وار راگەھاند؛ ئەڤرۆ حەیدەر عەبادی سەرۆکوەزیرێن ئیراقێ و فەرماندارێ گشتی یی ھێزێن چەکدار، بۆ راگەھاندنا سەرکەفتنا ئێکجاری ب سەر تیرۆرستێن داعشێ دا، ھەروەسا پیرۆزباھی کرنا ھێزێن ئێمناھیێ و گەلێ ئیراقێ، گەھشت باژارێ مووسلێ، بریارە د پرێسکۆنفرانسەکی دا سەرکەفتنا ئێکجاری رابگەھینیت.
ل گۆری نووچەیەکێ کەنالێ حکومەتا ئیراقێ ژی، باژارێ مووسلێ ب تەمامی ژ رێکخستنا تیرۆرستی یا داعشێ ھات پاقژکرن.
ئۆپەراسیۆنا رزگارکرنا مووسلێ ئەڤرۆ چوویە د رۆژا خوە یا دو سەد و شێست و شەشێ دا، کو ل ھەڤدەی چریا ئێکێ یا سالا بۆری ھێزێن ئیراقی دەست ب ئۆپەراسیۆنێ کرن و ھێزێن پێشمەرگەی شیا رێیا دەربازبوونێ ژ چوار بەریان ڤە بۆ ناڤا وی باژاری بۆ ھێزێن ئیراقی ڤەکەت.

بابه‌تێن ب ڤێ مژارێ ڤه‌ گرێدای