عێراق وکوردستان د ئێک دەم دا

 

عێراق وەلاتەکە کو نها کەڤتیە دگەلەک ئاریشەیان دا،‌‌ ژبلی ئاریشەیێن سیاسی کو نها هاولاتی داخوازا کێمترین مافێن خوە دکەن وەکی خوزمەتگوزاریێن ئاڤا پاقژ و کاهرەب کو پرانییا دەولەتێن جیهانێ ئەڤ خزمەتگوزاریە ۲٤ دەمژمێرینە، سەرەرای وێ چەندێ عێراق ۹۷ سالە بوویە دەولەت کو نەشیایە ڤان دابینبکەت، ئانکو نیشانەکا لاواز لاواز و بەردەوام دەنگێ هاولاتییا یێ نەرازیبونێ یێ بلندە وگەهشتیە وی رادەی کو جادا دابێخن و فەرمانگەهـ و دامودەزگەهێن حکومی تالان بکەن و کونسولخانەیێن وەلاتێن دی تالاندکەن وەک بەسرا کو پرانیا داهاتێ ڤی وەلاتی لڤێ پارێزگەهێ یە بەلێ رێژا بێکاریێ ژ‌٥۰% دەربازکرییە، د هەمان دەم دا سیاسەتا شاش یا دەسهەلادارا وەکر کو جهێن گشتی بکەفنە بن هەرەشێ و ژناڤچونێڤە هەروەسا ژبلی ئاریشەیێن سیاسی هند ئاریشەیێن د ژی پەیدابووینە، کو سیاسەتا شاش کارتێکرن لسەر کرییه، وەک ئاستێ خواندن و رەوشەنبیری و رێڤەبرنێ ب تەمامی لاواز بوویە، ئەڤە ئەو وەلاتە کو گەنجێن وەلاتێن دەوروبەر دهاتن بۆ فێربوونێ و زانینێ بەلێ د ڤی دەمی دا ب تەمامی بەروڤاژییە، کو نها ب هزاران گەنج ڤی وەلاتی دهێلێن و چەندین مەترسییان ددەنە بەر سینگێ خوە ژبۆ وێ چەندێ دا ژیانەکا ئارام و بەختەوەر ببەنە سەر، ئانکو لڤی وەلاتێ دبێژنێ عێراق وەسا ل رەوشا وێ هاتییە کو گەنج ژێ برەڤن، ئەڤە ژی دهێتە هژمارتن مەزنترین کێشەیا سیاسی و جڤاکی، چونکی گەنج دهێنە هاژمارتن بربرا وەلاتی کو گەنجن وەلاتی سەردئێخن و پاشدئێخن کو نها حکومەتێ ئاگەهـ ژێ نینە و ماینە ب ململانێڤە و د نێزیک دا دێ کارتێکرنا وێ دیاربیت. یارۆهن و ئاشکرایه دگەل دەستێوەردانێن دەرەکی نها عێراق ب رادەیەکێ زۆر بەرەڤ لاوازیێ و پارچەبوونێڤەیە، هەروەسا ئەڤە بوماوەیێ نێزیکی چار هەیڤایە نەشیایە حکومەتا نوی پێکبینیت، کو ئەڤە ژی نیشانەکا لاوازترە. دگەل ڤی وەلاتێ نەئارام و پری ئاریشە کوردستان د ڤی ماوەی دا مایە وەک دەریایەکا ئارام و پەناگەهەک بۆ گەلەک کەسان، هەم هاولاتیێن وێ و دیسان هاولاتییێن عێراقێ ئەو عێراقا ب هزاران هێرش ئیناینە سەر و تا نها ژی هێرشێن وێ ژلایێ سەربازی و ئابوری دبەردەوامن، بەلێ سەرەرای ڤان هەمی ئاریشەیان ونەحەزی و هێرشێن هند وەلاتێن جیران، دیسان مایە وەک کەلهەکا بەرخودانێ و ئارامیێ، ئەڤ کەسێن هەتا بەری ماوەیەکی ژی نەدهێلان هاولاتیێن کوردستانێ ئارام ببن و بەردەوام کاڤلکاری بسەر دئینان، نها هەوارێن خوە دگەهینە بەرپرس وکاربدەست و هاولاتیێن کوردستانێ، بەری چەند رۆژان ب دەنگ بلندی داخوازا هاریکاریێ دکر. ب بۆچوونا من ئەو عێراقا بۆ ماوەیێ چەندین سالان دەولەت نوکە بەرەڤ لاوازیێ یە، نەبتنێ ژلایێ سیاسی بەلکو ژلایێ جڤاکی ژیڤه هەروەسا کو کوردستان دبن هێرشێن ڤێ دەولەتێ ڤەبوو هەر ل رۆژا ئازادبوونا وێ شیایە د ماوەکێ کورت دا پترین پێشکەڤتنا بخوڤەببینیت، رۆهنترین نمونە ژی ئەوە کو عێراق ژبەر بچووکترین خزمەتگوزاری هاولاتیێن وێ بەردەوام خوەپیشاندانا دکەن کو گەهشتیە رادەیێ کوشتنێ، بەلێ یا دیارە کوردستان زۆر پێشکەڤتییە ژ روویێ خزمەتگوزاریان و ئاڤەدانییێڤه و دێ بەرەڤ پێشکەڤتنێن زۆرتر چیت ،ژهەموو روویەکی ڤە ،هەروەسا من دڤێت بێژم سەرەرای نەحەزییا هند وەلاتان رەوشا مە هاولاتیێن کوردستانێ زۆر باشترە ژهاولاتیێن عێراقێ بتایبەتی ژلایێ خزمەتگوزاریان ڤه، لەورا پێدڤیه ئەم کورد ڤێ رەوشا ئارام بهێلین ئارام و بەرەڤ پێشتر ببەین.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.