عیراقا عه‌بادى!

به‌ده‌ل گابێركى

ھێشتا پەیوەندیێن دناڤبەرا حکومەتا ھەرێما کوردستانێ و بەغدا د ئالوزن و ڤان نێزیکان باوەرناکەم چ گوھۆرینێن نوو پەیدا ببن و یا ل سەر ملێن حکومەتا ھەرێمێ پێدڤی ھاتیە بجھـئینان، بەس نەگەھشتنا چ ئەنجامان یا گرێدایە ب عەقلیەتا شوفینی یا حکومەتا بەغداڤە و رۆژ بۆ رۆژێ خوە دفن بلند دبینیت و ھەر ئەو دفن بلندی دێ رۆژەکێ سەرێ وێ خوت.

بەغدا بەرامبەری ھەرێما کوردستانێ یا راستگونینە، ژ بەرکو رۆژانە عەبادی وەکو بێژەرێ بەرنامەکێ ساخلەمی یان ئابۆری دھێتە بەرامبەری دەزگەھێن راگەھاندنێ و چەندین نووچەیێن ب سپۆنسەرییا ئیرانێ بۆ ھاتینە نڤێسین ددەتە رۆژنامەڤانان و وەلاتیان و پێ دخاپینیت و ئەو میدیاکارێن ل جەم وی ئامادەدبن ھەموو ئەون یێن ل ژێر کونترۆلا وی مخابن! ھێشتا ژمارەکا زۆر یا وەلاتیان ل ھەرێما کوردستانێ ژی باوەر ژ گوتنێن عەبادی دکەن.

حکومەتا عیراقێ بەرامبەری ھەرێما کوردستانێ یا راستگو نینە و یا وه‌لاتیێن هه‌رێما كوردستانێ سزادده‌ت و بەردەوام ھەرێمێ ب تومەتا گەندەلیێ بناڤ دکەت بەس یا ژبیرکری سالانە بەرێ خوە بدەتە عیراقێ کا ل رێژا چەندێ دھێت ب گەندەلیێ وەکی یا دیار کو سالانە عیراق ل رێزێن ئێکێ تا سیێ ب گەندەلیێ بۆ خوە داگیرکرییە و رێژا ھەژاریێ ژی گەھشتیە ٣٠% و پترییا عیراقا عەبادی نوکە کاڤل و وێران بوویە و پێدڤی ب سەدان ملیاردۆلارانە تا ئەو باژار بھێنە ئاڤەدانکرن و رۆژانە و حەفتیانە دێ تە گوھـل نووچەیێن پەقینان بیت ل پایتەختێ عیراقا عەبادی و ب سەدان وەلاتیێن بێ گونەھـ بنە قوربانی ھەڤرکیێن ئایینی و عەقلیەتا کەڤن و ژەنگێگرتی.

بەرامبەر ئەگەر بەرێ خوە بدەینە وێ ھەرێما ھێشتا نەبوویە دەولەت پایتەختەکێ ئارام و ئاڤەدان سەرەرایی برینا بودجەیا ھەرێما کوردستانێ ل سالا ٢٠١٤ێ تانوکە و ھاتنا خوارا بھایێ پەترۆلێ و هاتنا نێزیکی دوو ملیون ئاوارەیان بۆ ھەرێما کوردستانێ، بەس ھێشتا ھەرێم یا دبیاڤێن ئابۆری دا پێشدکەڤیت سەرەرای ھەموو ئاستەنگان.

دا ژبیرنەکەین ئەو دەڤەرێن پشتی ھاتنا داعشێ و رەڤینا لەشکەرێ عیراقێ ئەگەر پێشمەرگەی ئەو دەڤەر نەگرتبان دا چارەنڤێسێ وانژی وەکی یێ  حەلەبێ و مووسلێ  و ئەنبارێ لێھێت، بەس پێشمەرگەی کەرکووک و چەندین دەڤەرێن دیتر ب خوینا خوە پاراستن و نەھێلان مال و ژیانا وەلاتیێن وان دەڤەران تێکبچیت، به‌لێ مخابن پشتى شه‌رێ داعشێ حكومه‌تا عه‌بادى و پاسداران و حه‌شدا شه‌عبى ئه‌و پێكڤه‌ژیان نه‌هێلا و ب سه‌دان خێزانێن كورد ل خورماتو و كه‌ركووك و چه‌ندین ده‌ڤه‌رێن دیتر ئاواره‌بوون و هاتنه‌ ره‌ڤاندن و كوشتن و مالێن كوردان هاتنه‌ تالانكرن و سوتن و چه‌ندین تاوانێن دیتر لڤێره‌ حكومه‌ته‌ك ئه‌ڤێ هه‌موو دگه‌ل وه‌لاتیێن خوه‌ بكه‌ت دێ چاوا مووچێن فه‌رمانبه‌ران ده‌تێ!

نوکە ھەموو جیھان ھەتا جوتیارەکژی باش دزانیت ل سالا ٢٠٠٣ێ وەرە عیراق یا کەفتییە دەستێ ئیرانێ و چ سەروەرییەک عیراقێ نینە، ھەموو یا ددەستێ ئیرانێ دا و ھەر بریارەکا بھێتەدان ل عیراقێ ل ئیرانێ بۆ دھێت و ھەتا بچووکترین بریار ژی بیت.

ل دوماھیکی یا گرنگە ھەموو وەلاتیێن کورد بزانن نوکە عەبادی ل بەرە نەفتا کەرکووکێ بۆ ئیرانێ ڤەگوھێزیت و ھەموو لێدوانێن وی دژی ھەرێما کوردستانێ نە و بلا وەلاتیێن ھەرێمێ باش بزانن عەبادی نەفریشتەیە بەلکو جل و بەرگێن فریشتان کرینە بەرخوە ئەو بخوە گەندەلە.

یا گرنگە کورد بۆ ڤێ قوناغێ دئێکگرتی بین و سەرۆکێ حکومەتێ نێچرڤان بارزانی ژی دوپاتکرییە کو تاکە رێک مە ژ ڤێ قوناغێ ب سەرکەفتیانە دەرباز بکەت ب تنێ ئێکگرتنە.

 

1

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.