عه‌دنان كه‌ریمى داهاتیێ هه‌ردو كۆنسێرتێن خوه‌ ئاشكرا كر

عه‌دنان كه‌ریمى داهاتیێ هه‌ردو كۆنسێرتێن خوه‌ ئاشكرا كر

وار – دهۆک :

هونه‌رمه‌ند عه‌دنان كه‌ریم داهاتێ هه‌ردوو كۆنسێرتان یێن هه‌ولێر و سلێمانیێ‌ راگه‌هاندن، كو پتر ژ شێست و چوار ملیۆن دینار هاتینه‌ كۆمكرن و ئه‌و داهات دێ بۆ خێزانێن شه‌هیدان بیت. د پرێس كۆنفره‌نسى دا ل سلێمانیێ هونه‌رمه‌ند عه‌دنان كه‌ریمى راگه‌هاندن، كو ئه‌و دلخۆشه‌ ب وێ چه‌ندێ كو شیایى د ده‌مه‌ك كورتدا و ب رێكا هه‌ر دوو كۆنسێرتێن خوه‌ یێن هه‌ولێر و سلێمانیێ ب رێكا حه‌زژێكه‌ر و هونه‌رێ خوه‌ خزمه‌تا خێزانێن شه‌هیدان بكه‌ت. ناڤهاتى ئاشكرا كر كو د كونسێرتا سلێمانیێ دا سێ هزار پلێت هاتینه‌ فرۆتن و داهاتێ گشتى یێ كۆنسێرتێ سیهـ ملیۆن و حه‌فت سه‌د و هه‌ژده‌ هزار دیناربوون و كۆنسێرتا هه‌ولێرێ پتر ژ سیهـ ملیۆن و حه‌فت سه‌د و هه‌ڤده‌ هزار دینار بوون. سه‌رجه‌مێ گشتى یێ هه‌ر دوو كۆنسێرتان شێست و چوار ملیۆن و سێ سه‌د و سیهـ و پێنج هزرا و پێنح سه‌د دینار بوون ژ به‌ركو ژبلى داهاتێ پلێتان چه‌ندین كه‌سێن دى ب رێكا سندوقا هاریكاریان پشته‌ڤانییا خوه‌ دیار كریه‌. هونه‌رمه‌ندێ ناڤهاتى ئاماژه‌ ب وێ چه‌ندێ ژى كر كو هیڤیا وى ئه‌وه‌ ل داهاتى ل پڕانیا باژارێن كوردستانێ كۆنسێرتان ئه‌نجامبده‌ت و ب تایبه‌ت ل كه‌ركووكێ.

بابه‌تێن ب ڤێ مژارێ ڤه‌ گرێدای