عه‌بدولمه‌هدی: دێ گوهه‌رینان د حكومه‌تێ دا كه‌ین

عه‌بدولمه‌هدی: دێ گوهه‌رینان د حكومه‌تێ دا كه‌ین

WAAR-دهۆك:

سه‌رۆك وه‌زیرێن ئیراقێ ئه‌ڤرۆ راگه‌هاند؛ گوهۆرین دێ د كابینه‌یا حكومه‌تێ داهێن كرن و گۆت: حكومه‌ت دێ كاری ژ بۆ بجهئینانا داخوازیێن خوه‌نیشانده‌ران كه‌ت.
عادل عه‌بدولمه‌هدی ئه‌ڤرۆ د په‌یامه‌كێ دا دیاركر، خوه‌نیشاندانێن ئاشتیانه‌ یێن ئیراقێ ب مه‌زنترین بوویه‌ر ژ سالا دو هزار و سێ یێ دهێن هه‌ژمارتن، حكومه‌ت ڤان خوه‌نیشاندانان ب یه‌ك ژ گرنگترین رێكێن فشارێ ژ بۆ بجهئینانا چاكسازییان دبینیت.
عه‌بدولمه‌هدی هه‌روه‌ها گۆت: حكومه‌ت دێ كاری ژ بۆ بجئینانا داخوازیێن خوه‌نیشانده‌ران كه‌ت و هه‌روه‌ها دێ گوهۆرین ژی د كابینه‌یا وه‌زاری دا هێن كرن.
عادل عه‌بدولمه‌هدی د په‌یامێ دا ئاماژه‌ ب حه‌فت خالان كریه‌ و وه‌ك به‌رسڤه‌كێ یه‌ ژ بۆ په‌یامێن سیستانی یێن هه‌ردو ئه‌ینیێن بۆری.
سه‌رۆك وه‌زیرێن ئیراقێ گۆتییه‌: ل ده‌مه‌كی خوه‌نیشاندان ب ئالاڤه‌كێ كاریگه‌ر ژ بۆ راسته‌رێكرنێ دهێن هه‌ژمارتن، دوپات كریه‌ حكومه‌ت، ده‌ستهلاتا دادوه‌یری و په‌رله‌مان دێ ب هه‌ماهه‌نگی كاری ژ بۆ جێه‌بجێكرنا داخوازیێن خوه‌نیشانده‌ران كه‌ن و هه‌روه‌ها ژ بۆ سزادانا هه‌ر كه‌سێ ده‌ستدرێژی ل سه‌ر خوه‌نیشانده‌ران كربیت.
لدۆر برینا هێلا ئێنته‌رنێتێ ژی عه‌بدولمه‌هدی دوپات كر وان ئێنته‌رنێت بری داكو رێ ل بزاڤێن دوبه‌ره‌كیێ و فتنێ بهێت گرتن.

بابه‌تێن ب ڤێ مژارێ ڤه‌ گرێدای