عه‌بادی: به‌غدا ژ مه‌ها 11 وه‌ره‌ مووچه‌یێن فه‌رمانبه‌رێن هه‌رێمێ هنارتینه‌

عه‌بادی: به‌غدا ژ مه‌ها 11 وه‌ره‌ مووچه‌یێن فه‌رمانبه‌رێن هه‌رێمێ هنارتینه‌

وار – دهۆک :

سه‌رۆك وه‌زیرێن ئیراقێ راگه‌هاند؛ ژ مه‌ها 11 یا سالا بۆری وه‌ره‌، به‌غدا مووچه‌یێن فه‌رمانبه‌رێن هه‌رێمێ كاش هنارتینه‌، وه‌زیرێ دارایی یێ هه‌رێمێ ژی، گۆتنێن وی ره‌تدكه‌ت.
د هه‌ڤپه‌یڤینه‌كێ دا دگه‌ل كه‌نالێ ئیراقییه‌، حه‌یده‌ر عه‌بادی ئاشكراكر؛ حكومه‌تا ئیراقێ 100% پابه‌ندی رێككه‌ڤتنا خوه‌یا دگه‌ل كوردستانێ بوویه‌ و ژ مه‌ها 11 یا سالا بۆری وه‌ره‌، به‌غدا مووچه‌یێن فه‌رمانبه‌رێن هه‌رێمێ كاش هنارتینه‌، لێ ئه‌و مه‌نده‌هۆش مایه‌ كو ده‌ستهه‌لاتدارێن هه‌رێمێ مووچه‌یێن فه‌رمانبه‌رێن خوه‌ ناده‌نێ.
گۆت ژی: هه‌رێم دخوازیت ب وێ رێیێ فشاران بێخیته‌ سه‌ر حكومه‌تا ناڤه‌ند، داخواز ژ بێژه‌رێ كه‌نالی ژی كر، گۆتنێن وی بكه‌نه‌ كوردی و به‌لاڤبكه‌ن.
ژ ئالیێ خوه‌ڤه‌ رێباز حه‌ملان، وه‌زیرێ دارایی و ئابۆری یێ حكومه‌تا هه‌رێما كوردستانێ، د چارچووڤێ كۆمبوونا ئه‌ڤرۆ یا د گه‌ل لژنا دارایی و ئابۆری یا په‌رله‌مانی دا، گۆتنێن عه‌بادی ره‌تكرن و راگه‌هاند؛ حكومه‌تا ئیراقێ چ پاره‌ بۆ هه‌رێمێ نه‌هنارتینه‌ و خه‌لكێ كوردستانێ ژی دیده‌ڤانه‌ ل سه‌ر گۆتنێن وی.
گۆت ژی: گۆتنێن حه‌یده‌ر عه‌بادی دوورن ژ راستیێ و حكومه‌تا هه‌رێما كوردستانێ ب فه‌رمی دێ به‌رسڤا گۆتنێن وی ده‌ت.

بابه‌تێن ب ڤێ مژارێ ڤه‌ گرێدای