(شەرێ جیرانا ژى ھاتە سەر شەرێ خودانێ مالێ)

(شەرێ جیرانا ژى ھاتە سەر شەرێ خودانێ مالێ)

عدنان محمدتاھر زیباری

ب درێژایا دەسەڵاتا ھەرێما کوردستان زوور جار ناکوکی و دووبەرەکیێن مەزن ھاتینە ریدان دناڤبەرا خوە ب خوە ، زوور جار ژ ئەگەرێ دووبەرکیێ ئەنجامێن کارەساتی دیڤ خوە ئینایە ، زوور جھێ ئەسەفە خوین ھاتیە رێتن ژ بەر بەرژوەندیێن تەسک , ھەر جار پشتی ھەر ناکوکیەکێ کەسانێن خودان بریار رادگەھینن ئیدی رێ نادەین ئەڤە دووبارە بیتەڤە ، لێ مخابن ھێشتا مە وانە مێژووێ وەرنەگرتیە , ھەر ژ بەر ڤێ دووبەرەکی و دیسان خیانەتێ زوور جار دەسکەفتیێن ھەرێم کەفتینە مەترسیێ دا ، زوور جار زیانەکا زوور لێ کەفتیە و یان پێشکەفتنا ھەرێم ھاتیە سنوردار کرن ، ھەر ڤێ وەکریە دەرفەتێن زێرین دەست بدەین ،

رەوشا کوردستانێ پشتی ریفراندوم و ١٦ ئوکتوبەرێ تایبەت بەرەڤ رەوشەکا خراب چوو , ھەرێم توشی شکەستنێ و دوراندنێ ھات ، پێگەھێ وێ بەرڤ لاوازی چوو , لی ئەڤروکە یەک دەنگی و یەک رێزیەک دروست بیەڤە ، ھێزێن سیاسی تایبەت ھەردوو ھێزێن خودان دەسەڵات و بریاردەر کار دکەن کە ئەوا خراب کری چاک بکەنەڤە ، حکومەتا ھەرێمێ پێنگاڤا دھاڤێتن کە رەوشێ ئاسایی بکەتەڤە , پەیوەندی ھێدی ھێدی باشتر دبن دگەل حکومەتا بغدا و دەوڵەتێن دەوروبەر ,
ئەڤ نەھامەتی و قەیرانێن سەر مللەتی ھەر روژ نە روژەک ب دەستێ خودانێ ماڵی بەس نەبوو ، لایەکێ دی شەرێ جیرانا ھەر روژ نە روژەک ھاتیە سەرێ خودانێ ماڵی ، عێراق گشتی و ھەرێم تایبەت چ سەروەری بو خاکا وێ نەمایە ، روژەک ئێران کەیفا خوە توپباران ئەردێ ھەرێم دکەت و سنوران دبەزینت ، بنگەھێن سەربازی دەرڤەی سنوران دروست دکەت ، لایەکێ دی شەرێ پارتا کریکارێن کوردستان دگەل حکومەتا تورکیایە ، ڤێ زیانەکا زوور یا مادی و مروڤی گەھاندیە ھەرێما کوردستان ، ژ ئەگەرێ ڤی شەری ھەرێما کوردستان توشی کێشەکا دی ھاتیە ، حکومەتا ھەرێم ھەتا حکومەتا بغدا وەکی پێتڤی ھەڵویست نیشان نەدایە ، نەشیانە سنورەکێ بوو ڤان دانن ، فروکێن تورکیا کەیفا دلێ خوە بێ حساب کرن سەر ئەردێ ھەرێم دزڤرن و ھەر جھێ بڤێت بومبەباران دکەن ، ھەر دیسان گەریلایێن پەکەکە رەوشا ھەرێم بەرچاڤ وەرناگرن ، زوور جار گەریلا دھێن دیتن ناڤا جھێن ئاکنجی بونێ .
پیتڤیە پەکەکە موراعاتا رەوشا ھەرێم بکەت ، ڤێت بزانیت باشورێ کوردستان و خەلکێ وێ بریندارە ، ھەر رەنگەکێ ھەبیت نوکە خودان حکومەتەکە کە خەلکێ وێ رێڤەدبەت ، پیخەمەت بەرژوەندیا گشتی و درووست نەبونا قەیرانەکا دی ڤێت پەکەکە مایتکرنێ باشور نەکەت و سیاسەتا خوە باکورێ کوردستان ئەنجام بدەت ھەمبەر دا ڤێت ھەرێم جورەکێ چاڤ نقاندنێ پەکەکە بکەت ژ بەر وێ رەوشا تێکەفتی یە . پێتڤیە تورکیا زێدەتر سنوران نەبەزینت و سنورەک بۆ بھێت دانان ، ڤێت تورکیا حسابەکێ بۆ سەروەریا خاکا عێراق بکەت ، رێزێ سیادا وێ بگریت چونکی تورکیا ب ھەجەتا پەکەکێ چەندین جارە خەلکێ مەدەنی دکەت قوربانی ئەڤەش نەیا رەوایە و جھێ قەبیل کرنێ نیە .

بابه‌تێن ب ڤێ مژارێ ڤه‌ گرێدای