شێوازێن ژێكڤه‌قه‌تییانێ د په‌یوه‌ندییا سۆزداریێ دا

شێوازێن ژێكڤه‌قه‌تییانێ د په‌یوه‌ندییا سۆزداریێ دا

وار – دهۆک :

دبیت گه‌له‌ك كه‌س ژ مه‌ نه‌چار بین پشتى هه‌یامه‌كا زێده‌ یان ژى كێم دووماهیێ ب په‌یوه‌ندییا د ناڤبه‌را خوه‌ و خوه‌شتڤیێن خوه‌ دا بینین، ئه‌ڤجا چو كوڕ بیت یان كچ، لێ ڤى كارى ئه‌ته‌كێت و شێوازێ خوه‌ هه‌یه‌ كو پێدڤییه‌ پێگیرى پێ بهێته‌كرن. ئه‌و ژى ئه‌ڤێن ل خوارێنه‌:
1ــ ڕوو ب ڕوو:
ئه‌ڤ جۆره‌ ژ زێده‌تر بۆ وان جۆره‌ په‌یوه‌ندییانه‌ كو هه‌یامه‌كا زێده‌ پێكڤه‌ بوون، ئه‌ڤجا ژبه‌ر ڤێ ئێكێ باشترین شێوازه‌ بۆ وێ ئێكێ كو خوه‌شتڤیێ/ا خوه‌ ببینى و بێژیێ كو باشتره‌ په‌یوه‌ندییا هه‌وه‌ دووماهى پێ بهێت، لێ هه‌كه‌ر تو دزانى ژى به‌رانبه‌رێ ته‌ هه‌ستیاره‌، باشتره‌ كافیتریایه‌كێ یان ژى جهه‌كێ چۆل بۆ ڤێ ئێكێ هه‌لبژێرى.
2ــ ته‌له‌فۆن:
بكارئینانا ته‌له‌فۆنێ بۆ دووماهى ئینانا په‌یوه‌ندیێ، زێده‌تر بۆ كه‌سانه‌ كو هه‌یامه‌كا كورت پێكڤه‌ بووینه‌ یان ژى شكه‌ستى و دوورن، ئه‌ڤجا ژبه‌ر ڤێ ئێكێ پێدڤییه‌ ته‌له‌فۆنێ بۆ بكه‌ى و د بابه‌تى بگه‌هینى، لێ دڤێت هندى د شیان دا بیت ئارام و لسه‌ر خوه‌ بى.
3ــ ئیمه‌یل یان ژى نامه‌:
هنارتنا ئیمه‌یل یان ژى نامه‌یێ رێیه‌كا دییه‌ بۆ دووماهى ئینان ب په‌یوه‌ندییا حه‌زژێكرنێ، لێ ڤێ رێیێ هه‌ر چه‌نده‌ ئالییه‌كێ باش هه‌یه‌ كو دشێت ب باشترین شێوه‌ مه‌ره‌ما ته‌ رۆن بكه‌ته‌ڤه‌ و به‌رى هنارتنێ ژى لسه‌ر ڕا بچیه‌ڤه‌، لێ تو چو رێیه‌ك بۆ به‌رانبه‌رى خوه‌ ناهێلى كو به‌رگریێ ژ خوه‌ بكه‌ت، هه‌ر ژبه‌ر ڤێ ئێكێ ئه‌ڤ شێوازه‌ ب تنێ ب بۆ وان په‌یوه‌ندییان دبیت كو ب رێیا مالپه‌رێن جڤاكى ڤه‌ دهێنه‌ گرێدان نه‌كو حه‌زژێكرنه‌كا تمام.
4ــ هه‌لبژارتنا بێده‌نگیێ:
ئه‌ڤ شێوازه‌ ژ وان رێیانه‌ كو خوه‌شتڤیێ/ا خوه‌ پشتگوهـ بهاڤێژى و ب ڤى جۆرى بزاڤێ دكه‌ى تێبگه‌هینى كو په‌یوه‌ندییا هه‌وه‌ دووماهى پێ هاتییه‌، لێ ئه‌ڤه‌ كاره‌كێ گه‌له‌ك خوه‌په‌رستانه‌یه‌ و وه‌ دكه‌ت ژى كو به‌رانبه‌رى ته‌ هه‌رده‌م چاڤه‌رێی وێ ئێكێ بكه‌ت كو رۆژه‌كێ هه‌موو تشت وه‌كو خوه‌ لێ بهێنه‌ڤه‌ و چێببنه‌ڤه‌، ژبه‌ركو ته‌ دووماهى ب وێ په‌یوه‌ندیێ نه‌ئینایه‌، ئه‌ڤجا ژبه‌ر ڤێ ئێكێ باشتره‌ ڤى شێوازێ ژێكڤه‌بوونێ بكارنه‌ئینى.

بابه‌تێن ب ڤێ مژارێ ڤه‌ گرێدای