شه‌قامێ‌ سیاسی یان سیاسه‌تا شه‌قامی؟!

كۆڤان حسێن

شه‌قامێ‌ سیاسی پتر ب لۆژیكی و تێروانینێن ورشه‌نگه‌ر بۆ روودانان بۆ دیار دبیت و پاشی ئه‌و نه‌ته‌وه‌ ب شانێن ئه‌گه‌ر شیا بیت شه‌قامه‌كێ‌ روشنبیر ب سیاسه‌تێ‌ ل هه‌ر مه‌یدان و كاره‌كێ‌ دا ئاڤا كربیت، شه‌قامێ‌ سیاسی رایه‌كا گشتیای پێرا گه‌هشتییا جه‌ماوه‌رییه‌ بۆ هه‌موو كه‌ڤالێ‌ سیاسی، لێ‌ سیاسه‌تا شه‌قامی ب مخابنی ڤه‌ ژبلی (به‌ره‌‌لایی) و بێ‌ به‌رنامه‌یی پێكڤه‌ هیچ كاره‌كێ‌ به‌رهه‌م نائینیت و ل ڤی واری دا سیاسه‌تڤان دبنه‌ پاشكۆ بۆ هنده‌ك ره‌هندێن (شه‌عبه‌وی) كو بزاڤه‌كا كه‌ڤنه‌ ل ڤێ جیهانێ‌ یا بێسه‌رو بۆ بێ‌ به‌رنامه‌یه، ئه‌م ل ڤی وه‌لاتی بێ‌ گومان شه‌قامێ‌ سیاسی هێشتا ساڤایه‌ لێ‌ پری بالا مه‌ سیاسه‌تا شه‌قامی یه‌، ژیانا سیاسی ل كوردستانێ‌ مخابنی ڤه‌ دبێژم هێشتا گه‌له‌ك مایه‌ ئالاڤێن سیاسه‌تكرنێ‌ و یاسایێن ژیانا سیاسی رێكبێخن نه‌ بنه‌جهـ بوونه، خوه‌نیشاندان بڤی ته‌رزێ‌ نوكه‌ ل سلیمانیێ‌ و ژبه‌ری چه‌ند سالان ل زاخۆ، هیچ رامانا شه‌قامه‌كێ‌ سیاسی ناده‌ت، پتر دارشتن و ڤالاكرنا هنده‌ك حه‌زێن دیتره‌ كو ب ئالاڤه‌كێ‌ دژوار دادرێژن، خوه‌نیشاندان مافه‌كێ یاسایی و د‌ستووریه‌ بۆ هه‌ر تاك و كۆمه‌له‌كا مرۆڤان، لێ‌ لگۆر بهایێن ژیانا دیمۆكراتی بیت، نه‌ك ببیته ‌(به‌ره‌‌لایی) و بێسه‌روبه‌ری و ماف و خوین و زیان تێكه‌لی ئێك ببن.

هه‌ر وه‌لاته‌كێ‌ خوه‌نیشاندان تێدا نه‌بن هیچ بهایه‌كێ‌ دیمۆكراتی ل وی وه‌لاتی نینه‌، لێ‌ هه‌ر وه‌لاته‌كێ‌ یاسا تێدا سه‌روه‌ر نه‌بیت و ژیانا سیاسی و جڤاكی دكه‌ڤیته‌ ترسێن راستی و پتر دچیته‌ خانه‌یا شه‌ڕكرنی ب ئالاڤێن نه‌كۆژه‌ك، ئه‌ڤه‌ ئه‌گه‌ر كوشتن ژی تێدا روونه‌ده‌ت وه‌ك ل سلیمانیێ‌ روو دده‌ت، سیاركرنا شه‌قامێى و هاندانا وێ بێ‌ به‌رنامه‌ و بۆ مه‌ره‌مێن حزبی یان جینایه‌تی یان ناوچه‌گه‌ریێ ناچیته‌ خانا راده‌ربرینێ‌ دبن پالۆرا خوه‌‌نیشندانێ‌ دا، حزبێن ساسی باره‌گا و میدیایا خوه‌ هه‌یه‌ و دشێن په‌یامێن خوه‌ بگه‌هیننه‌ دوور ژ هاندنا شه‌قامی بۆ مه‌ره‌مێن سیاسی، هه‌ر ئالیێ‌ دژی خوه‌نیشاندانان بیت ئه‌و بێ‌ گومان دژی دیمۆكراتیه‌تێ‌ یه‌، لێ هه‌موو كۆمه‌ك مرۆڤان بێ‌ په‌یام و به‌رنامه‌ ژی نه‌خوه‌نیشاندانه! هێرش و كۆشتن و شكاندن و برینداركرنا مرۆڤان و هه‌ستێن وان ناچیته‌ خانه‌یا ئازادی و خوه‌نیشاندانان ئه‌ڤجا ئه‌ڤ ره‌فتاره‌ لێ ده‌ڤه‌ره‌كا كوردستانێ‌ بیت,حزبێن سیاسی ل كوردستانێ‌ ژ ئه‌ركێ‌ وانه‌ شه‌قامێ سیاسی و روشه‌نگه‌ر بكه‌ن، نه‌كو شله‌ژانه‌كا شه‌قامی سه‌ر كێشه‌یه‌كا سیاسییان بكه‌ت وه‌ك نوكه ‌…

بابه‌تێن ب ڤێ مژارێ ڤه‌ گرێدای