شــەنــگــال و جــیــنــۆســایــدکــرن

دلۆڤان ئەمجەد بارزانی
کەیسا شنگالێ پێدڤیە ب جدی و بێ راوەستان کار ل سەر بھێتەکرن و ب زیترین دەم ب جینۆساید بھێتە ناساندن، چونکێ خەلکێ مەیێ شنگالێ ب تایبەتی خوشك و برایێن مە یێن ئێزیدی کو کوردێن رەسەنن، چەندین کارەسات و دەربەدەرکرن و فەرمانێن ب سەرێ ڤان ھاتی ژلایێ دوژمنان ڤە ب تایبەتی ئەڤ تاوانا ڤێ دوماھیکێ ئەڤا ل چەرخێ بیست و ئێکێ ژلایێ چەکدارێن دڕندەھێن (دەولەتا ئیسلامی یا عیراق و شام)ێ ئەڤا ھاتیە ناسکرن ب داعش کو ھاتبوون ناڤێ ئیسلامی خراپ بکەن و ئەو بخوە ژی ل دژێ ئیسلامێ بوون. ل رێکەفتێ (٣-٨-٢٠١٤)ێ ھاتن ب توپ و تانك و چەکێن مەزن ڤە دەست بسەر شنگالێ داگرت و داگیر کر.. لێ خەم و کۆڤانا مەزن ئەو بو وان ھۆڤێن دڕندەھێن داعشێ دەمێ باژێرێ شنگالێ داگیر کری و ھاتینە دناڤ باژێری دا ئاکنجیێن شنگالێ ئەڤێن عەرەب ئازادکرن و سەربەست بەردان چونکێ عەرەب بوون و ئارمانجا ڤان ھۆڤێن دژێ مرۆڤاییەتییێ کوشتن و ژناڤبرنا کوردان ب گشتی و کوردێن ئێزیدی ب تایبەتی بوو، ھەروەسا کوردێن موسلمان ژی زەلامێن وان کۆشتن و دگەل خوە دبرن لێ بەلێ کچ و ژنێن وان دەست لێ نەددا چونکێ موسلمان بوون و ئەوان ژی خوە ب ئیسلام ھەلداڤە و خەونا ھندێ ددیت کو ھەمی جیھانی داگیر بکەن و بێخنە دبن دەستێن دەولەتا ئیسلامی یا عیراق و شامێ یا فاشست  دا، لێ بەلێ خەونا وان پێشمەرگەھێن قەھرەمان ب سەرپەرشتیا سەرۆکێ کارێزمایێ ھەرێما کۆردستانێ رێــزدار (مـسـعـوود بـارزانـی) بەتال کر و نەھێلا بگەھنە ھیڤیا خوە ھەمی ژناڤبرن و ل کوردستانێ دەرئێخستن.. بەلێ کوردێن رەسەنێن ئێزیدی زەلامێن وان ھەمی کۆمکوژ و ب ساخی بن ئاخکرن ب دڕندەترین رەنگ ئەشکەنجە و ئازار دان ژێڤەکرنا دەست و سەر ژێکرن و چەندەھا ئازارێن دی، ھەروەسا یا ژ ھەمیێ نەخۆشتر کچ و ژنێن کوردێن مەیێن ئێزیدی ب زۆری دگەل خوە برن ل بازارێن کرین و فرۆتنا بەندا کرین و فرۆتن پێدھاتە کرن و ب زۆری ل چەکدار و ئەمیرێن داعشێ دھاتنە مەھرکرن و زۆرداری و دەست درێژی ل سەر دھاتەکرن کو ئەڤە مەزنترین تاوانە ل دژێ مرۆڤایەتیێ و ھەروەسا ب دارێ زۆریێ ئایینێ ئیسلامێ ل سەر د سەپاند و ب زۆرداری دکرنە موسلمان و نەچارکرن ئایینێ خوە بھێلن ببنە موسلمان، ئەوێ قەبوول نەکربا ب خراپترین رەنگ دھاتە سزادان و کۆشتن ب راستی مرۆڤایەتی نەمابوو، بەلکۆ زولم ، کۆشتن، سەرژێکرن  ب ساخی بن ئاخ کرن، کۆمکوژکرن، دەست درێژی کرنا سێکسی، ب زۆرداری گوھرینا ئایینی، سزادان.. ب ھزارەھا تاوانێن خراپ و دل ب ئێش.. ب مخابنی ژی ڤە دەولەتێن بیانی و جیران ب گشتی و ب تایبەتی رێکخراوێن ژنان و مافێ مرۆڤان بێ دەنگ و ماتمایی مان. ئەڤەیە جینۆساید کرن پێدڤی بوو ئەڤ دەولەتێن بیانی و جیران بێ دەنگ نەبان و کار کربا ب زیترین دەم کەیسا شنگالی ب جینۆساید ناساندبا.. ب ھزارەھا گەنج و پیر و زارۆك و ئافرەت کومکوژ کرن بێ سووچ و سەبەب بتنێ تاوانا وان ئەو بۆ کو کوردن و ئایینێ وان ئێزیدیە. ــ لەوما دڤێرە دا چەند پرسیارەك د مێشکێ من دا یێن چێ بووی و ھەر ھزر تێدا دکەم و پێدڤیە بەرسڤا وان بزانم، ئەو ژی:- ــ ئەرێ کورد بوون تاوانە..؟ ــ ئەرێ ئەگەر ئایینێ تە نە ژ یێ وان بیت و ئێزیدی بی یان ئایینەکێ دی بیت تاوانەکا وەسا مەزنە کو بڤی رەنگێ من ل سەری باس کری بھێیە سزادان..؟ ــ ئەرێ مرۆڤایەتی مەزنترە و پیروزترە یان ئایین..؟ ئەرێ مرۆڤایەتی و ئایین دژێ ئێکن..؟ ــ ئەرێ چێدبیت ل جیھان ھەمی لسەر ئێك ئایین بن و ئایینێ وان ھەمیێ ئێك بیت..؟ ھیڤیدارام بەرسڤا پسیارێن من بھێتە دان دا مێشکێ من ئارام ببیت..!

بابه‌تێن ب ڤێ مژارێ ڤه‌ گرێدای