شرین عەبادی: پێدڤییە ببین دەنگێ ستەملێکرییان

شرین عەبادی: پێدڤییە ببین دەنگێ ستەملێکرییان

WAAR-دهۆك:

شرین عەبادی، کەساتییا ئیرانی یا ناڤدار ھێرشا تورکیا ل سەر رۆژئاڤایێ کوردستانێ شەرمزار کر و داخواز ژ جڤاکا سڤیل کر ببیت دەنگێ ستەملێکرییێن رۆژئاڤایێ کوردستانێ.
شرین عەبادی، پارێزەرا ئیرانی یا ناڤدار و وەرگرا خەلاتێ نۆبلێ یێ ئاشتییێ و ئەنداما پلافتۆرما دیمۆکراتیک یا ئیرانێ پەیامەکا ڤیدیۆیی ل دۆر ھێرشا سوپایێ تورکیا و میلیشیایێن ئۆپۆزسیۆنا سووری یێن سەر ب وێ ڤە ل سەر رۆژئاڤایێ کوردستانێ، بەلاڤ کر و راگەھاند: ھێرشا تورکیا ل سەر گەلێ کورد ل باکۆرێ سوورییێ نەشەرعی و تاوانا دژی مرۆڤاتییێ یە و خەلکێ کورد یێ سڤیل و بێگونەھـ تێدا دھێت کوشتن و ئارماج ژێ داگیرکرنا وێ دەڤەرێ یە.
شرین عەبادییێ گۆت ژی: ئەڤ تاوانە ل پێش چاڤێن جڤاکا نێڤدەولەتی دھێت کرن و پێدڤییە ھەر چ زووترە براوەستینیت، لێ تا نھا چ کارڤەدانێن وەسا نیشان نەداینە کو براوەستینیت، لەورا ژی ئەرکێ جڤاکا سڤیل یا نێڤدەولەتی یە کو کۆمکوژییا خەلکێ کورد یێ بێگونەھـ و داگیرکرنا باکۆرێ سوورییێ شەرمزار بکەت و ببیت دەنگێ ستەملێکرییان.

بابه‌تێن ب ڤێ مژارێ ڤه‌ گرێدای