شرنەخ و مێردین.. ھەموو چالاکی ھاتن قەدەغەکرن

شرنەخ و مێردین.. ھەموو چالاکی ھاتن قەدەغەکرن

WAAR-دهۆك:

ل شرنەخ و مێردینێ یێن باکۆری کوردستانێ، ھەموو چالاکی بۆ دەما پازدە رۆژان و مەھەکێ ھاتن قەدەغەکرن.
پارێزگەھا شرنەخێ ل باکۆرێ کوردستانێ داخویانییەکا نڤیسکی بەلاڤ کر و دیار کر؛ ھەموو چالاکییێن وەک کۆمبوون، رێپیڤان، داخویانی ل سەرانسەری پارێزگەھا شرنەخێ تا ئێکی کانوونا ئێکێ، ئانکۆ بۆ دەما پازدە رۆژان قەدەغە نە.
پارێزگەھا مێردینێ ژی ل باکۆرێ کوردستانێ داخویانییەکا نڤیسکی بەلاڤ کر و دیار کر؛ ھەموو چالاکییێن وەک کۆمبوون، رێپیڤان، داخویانی ل سەرانسەری پارێزگەھا مێردینێ تا پازدەیی کانوونا ئێکێ، ئانکۆ بۆ دەما مەھەکێ قەدەغە نە.
پارێزگەھێن شرنەخ و مێردینێ بەھانەیا قەدەغەکرنا چالاکییان ژ بۆ پاراستنا ژیان و مالێ وەلاتییان، پووچکرنا پلانێن رێکخستنێن تیرۆرستی، پاراستنا ئاساییشا نەتەوەیی، پاراستنا ماف و ئازادییان و رێگرتنێ ل توندوتیژییێ، ڤەگەراند.

بابه‌تێن ب ڤێ مژارێ ڤه‌ گرێدای