شاندەکا بلند یا ئەمریکا سەرەدانا رۆژئاڤایێ کوردستانێ کر

شاندەکا بلند یا ئەمریکا سەرەدانا رۆژئاڤایێ کوردستانێ کر

WAAR-دهۆك:

شاندەکا بلند یا ئەمریکا سەرەدانا رۆژئاڤایێ کوردستانێ کر و دوپاتی ل پشتەڤانییا رێڤەبەرییا خوەسەر و ھەسەدێ کر.
ئەڤرۆ ولیەم رۆباک، نوونەرێ ئەمریکا د ھەڤپەیمانییا نێڤدەولەتی یا دژی داعشێ ب سەرۆکاتییا شاندەکا بلند یا ئەمریکا سەرەدانا رۆژئاڤایێ کوردستانێ و ل باژارۆکێ عەین عیسا یێ باکۆرێ رەقەیێ د گەل حامد مەھباش و بێریڤان خالد، ھەڤسەرۆکێن جڤاتا جێبجێکار یا رێڤەبەرییا خوەسەر یا باکۆر و رۆژھەلاتێ سوورییێ دا کۆم بوو.
رۆباکی د داخویانییەکا رۆژنامەڤانی دا راگەھاند: سەرەدانا وان ژ بۆ پێشتەڤانیکرنا ھێزێن سووریایا دیمۆکراتیک، ھەسەدێ و رێڤەبەرییا خوەسەر د بیاڤێ ئێمنھاییێ دا یە، ب تایبەت د قۆناغا ڤەگۆھاستنێ دا ژ شەرێ تیرۆرێ یێ لەشکەری بۆ شەرێ وێ ل سەر ئاستا نەلەشکەری، ئارمانجا وان یا دی ژی پێشخستن و خورتکرنا تێکلییێن د گەل رێڤەبەرییا خوەسەر و ھەسەدێ دا یە.

بابه‌تێن ب ڤێ مژارێ ڤه‌ گرێدای