شانده‌كا پێشمه‌رگه‌ی و به‌رگرییا ئیراقێ دێ سه‌را ده‌ڤه‌رێن كوردستانی ده‌ت

شانده‌كا پێشمه‌رگه‌ی و به‌رگرییا ئیراقێ دێ سه‌را ده‌ڤه‌رێن كوردستانی ده‌ت

WAAR-دهۆك

بریاره‌ ئه‌ڤرۆ شانده‌كا هه‌ڤپشكا وه‌زاره‌تێن پێشمه‌رگه‌ی و به‌رگرییا ئیراقێ، سه‌ره‌دانا ده‌ڤه‌رێن كوردستانی یێن ده‌رڤه‌ی ئیداره‌یا هه‌رێمێ بكه‌ت و راپۆرتا خوه‌ ل دۆر ڤه‌گه‌ریانا هێزێن پێشمه‌رگه‌ی بنڤیسیت.
ل گۆره‌ی زانیاریێن وار، ئه‌ڤرۆ دێ شانده‌كا هه‌ڤپشكا وه‌زاره‌تێن پێشمه‌رگه‌ی و به‌رگرییا ئیراقێ، سه‌ره‌دانا ده‌ڤه‌رێن كوردستانی یێن ده‌رڤه‌ی ئیداره‌یا هه‌رێمێ كه‌ت و دێ راپۆرتا خوه‌ یا ل دۆر ڤه‌گه‌ریانا هێزێن پێشمه‌رگه‌ی نڤیسیت و ژبۆ لژنه‌یا بلند یا حكومه‌تێن هه‌رێم و به‌غدایێ بلند كه‌ت.
لژنه‌یا هه‌ڤپشكا هه‌رێم و به‌غدایێ، دێ سه‌ره‌دانا ده‌ڤه‌رێن رۆژهه‌لات و رۆژئاڤایێ مووسلێ، هه‌روه‌ها مه‌خموور و كه‌ركووكێ ده‌ت و دێ جهێ سه‌ربازگه‌هێن هه‌ڤپشك ده‌ستنیشانكه‌ت.
ئه‌ڤه‌ د ده‌مه‌كی دایه، كو حه‌فتییا بووری هه‌رێم و به‌غدا ل دۆر ڤه‌گه‌ریانا پێشمه‌رگه‌ی بۆ ده‌ڤه‌رێن كوردستانی گه‌هشتبوونه‌‌ رێككه‌فتنه‌كا ده‌ستپێكی، لێ هێشتا ناڤه‌رۆكا رێككه‌فتنێ ئاشكرانه‌بوویه‌ و دانوستاندنێن هه‌ردو ئالییان به‌رده‌وامن.

بابه‌تێن ب ڤێ مژارێ ڤه‌ گرێدای