شاناهان: ئیران کێشەیا هەموو جیهانێ یە

شاناهان: ئیران کێشەیا هەموو جیهانێ یە

WAAR-دهۆك:

وەزیرێ بەرگرییا ئەمریکا ب وەکالەت ئیران ب کێشەیا هەموو جیهانێ ناڤ کر و راگەهاند، تەهران ترسێ دئێخیتە سیستەمێ نێڤدەولەتی.
پاترێک شاناهان، وەزیرێ بەرگرییا ئەمریکا ب وەکالەت ب سەرەدانەکا فەرمی ل پورتۆگالێ بوو و ل وی وەلاتی راگەهاند، ئیران نها نە بتنێ کێشەیان بۆ ئەمریکا دروست دکەت، بەلکۆ بۆ هەموو جیهانێ بوویە کێشە و ل سەر سیستەمێ نێڤدەولەتی بوویە گەف، لەورا ئەمریکا بزاڤان دکەت رایەکا ئێکگرتی یا جیهانی ل سەر ئیرانێ بدەستڤە بینیت.
شاناهان پشتراستە کو ئیرانێ هێرشا دژی کەشتییان کرییە و دوپات کر، رێیێن بازرگانییا جیهانی پێدڤی یە پاراستی بن و تەنگئاڤا هورمز ئێک ژ رێیێن گرنگە، ژبەر کو 15% یا پەترۆلا جیهانێ د وێ تەنگئاڤێ دا دەرباز دبیت.
2 کەشتیێن ڤەگوهاستنا پەترۆلێ ل رۆژا پێنجشەمبییا بووری ل نێزیک سنۆرێن ئیرانێ ببوونە ئارمانج و ئەمریکا ئیرانێ ب ئەگەرێ هێرشان ناڤ دکەت.

بابه‌تێن ب ڤێ مژارێ ڤه‌ گرێدای