شاسوار عه‌بدولواحد هات گرتن

شاسوار عه‌بدولواحد هات گرتن

WAAR-دهۆك:

ئاساییشا سلێمانییێ، شاسوار عه‌بدولواحد سه‌رۆكێ نه‌وه‌ى نوێ ب سووچا خراپ بكارئینانا ئاموورێن په‌یوه‌ندییێ گرت.
له‌میا ره‌سوول په‌یامنێرا وار ل سلێمانییێ راگه‌هاند؛ ئه‌ڤرۆ نیڤرۆ ئاساییشا سلێمانییێ، شاسوار عه‌بدولواحد سه‌رۆكێ نه‌وه‌ى نوێ گرت، پشتى ژ ئالییێ دادگه‌ها لێكولینێ یا سه‌ر ب ئاساییشا گشتى ڤه ‌بریارا گرتنا وى ده‌ركه‌فتى.
ئه‌ڤه ‌د ده‌مه‌كى دا یه‌، دوهى دادگه‌ها لێكولینێ یا سه‌ر ب جڤاتا دادوه‌رى یا هه‌رێمێ ڤه‌، ب سووچا خراپ بكارئینانا ئاموورێن په‌یوه‌ندییێ بریارا گرتنا شاسوار عه‌بدولواحدى ده‌رخستبوو و راگه‌هاندن بۆ هه‌موو ئالییێن په‌یوه‌ندیدار ژ پۆلیس و سازییێن دادوه‌رى هاتبوو‌ ئاراسته‌كرن، دا كو ده‌سته‌سه‌ر بكه‌ن.
به‌رییا نها شادیه‌ نه‌وزاد په‌رله‌مانتارا نه‌وه‌ى نوێ ل په‌ڕله‌مانێ كوردستانێ، ژبه‌ر گه‌فێن به‌لاڤكرنا گرته‌ فیدیۆ و وێنه‌یێن وێ، سكالا ل سه‌ر شاسوارى تۆماركربوو.

بابه‌تێن ب ڤێ مژارێ ڤه‌ گرێدای