شادی نەوزاد: سەرۆکێ فراکسیۆنا نەوی نوێ گەف ل مە کرینە

شادی نەوزاد: سەرۆکێ فراکسیۆنا نەوی نوێ گەف ل مە کرینە

WAAR-دهۆك:

شادی نەوزاد پەرلەمانتارا کوردستانێ ژ فراکسیۆنا نەوی نوێ شڤێدی راگەھاند؛ سەرۆکێ فراکسیۆنا نەوی نوێ ل پەرلەمانێ کوردستانێ گەفا دوورخستنێ ل پەرلەمانتارێن فراکسیۆنێ کرینە.
شادی نەوزاد کو ل بیست و دوێ نیسانا ئەڤسالە د کۆنگرەیەکێ رۆژنامەڤانی دا ئاماژە ب گەفەکا سەرۆکێ نەوەی نوێ شاسوار عەبدولواحد کربوو کو ب گۆتنا وێ ھۆشدارییا بەلاڤکرنا ڤیدیۆیێن وێ لێ ھاتییە کرن، شڤێدی بەیانەک بەلاڤکر و تێدا ئاماژە ب ھەلوەستەکێ نەقانوونی یێ کازم فارووق سەرۆکێ فراکسیۆنا نەوەێ نوێ کرییە.
شادی نەوزاد دیارکرییە، سەرۆکێ فراکسیۆنا نەوی نوێ ل شوونا ب رۆلێ خوە رابیت و بەرگرییا ئەخلاقی ژ ئەندامێن فراکسیۆنێ بکەت، بەروڤاژی دەست ب ھۆشداری و گەفان کرییە، پشتی نامەیەکا دادنۆسی ئاراستەی وان کری.
ھەروەھا ئاماژە کرییە، د نامەیا سەرۆکێ فراکسیۆنێ دا ھاتییە: گەر ئەو پشکداری کۆمبوونا فراکسیۆنێ نەکەن، ئێدی ئەو و ھندەک پەرلەمانتارێن دی جھێ باوەریێ نابن.
شادی نەوزاد گۆت: سەرۆکێ فراکسیۆنێ داخوازا کرییە کۆمبوون ل جھەکی بھێت کرن کو ب دیتنا پەرلەمانتاران ئەو جھە، گوماناوی و نە ئێمنە.
د داوییا بەیانا خوە ژی دا، پەرلەمانتار شادی نەوزاد، سەرۆکێ فراکسیۆنا نەوی نوێ ب بێ فام ل بەرانبەر قانوونێ ب ناڤکرییە و گۆتییە: وی نەشیاییە بەرگریێ ژ پەرلەمانتارێن خوە بکەت، ئەڤجا چەوا دێ بەرگریێ ژ وەلاتییان کەت.

بابه‌تێن ب ڤێ مژارێ ڤه‌ گرێدای