سەنگا پارتی د هەلبژارتنێن ئەڤ جارە دا..

هوزان عەبدوللا

ل سەرانسەری ئیراقێ ژ بۆ ب دەست ڤە ئینانا کورسیین زێدەتر یێن پەرلەمانی ئیراقێ شەرێ بانگەشەیێ دناڤبەرا هەموو پێکهاتە و نەتەوە و لایەنێن سیاسی ل سەرانسەری ئیراقێ ب گشتی و ل هەرێما کوردستانێ ب تایبەتی یا گەرمە.

گەر سەحکەینە مێژوویا ئیراقێ پشتی پرۆسا رزگارکرنێ هەر ژسالا 2003 و تا نها کورد بووینە کارەکتەرێ سەرەکی یێ پێکئینانا حکومەتێن وێ، لەورا هەردەم پێگەهێ وێ و کارتێن وێ بهێزبوون و چ رێک ب بەغدا نەددا کو پێشلکاریا مافێن وێ بکەت ئەڤە ژی هەمیی ئەو دەستکەفت بوون یێن ب سەرکێشیا پارتی ل بەغدایا تایفەگەری ب دەستخوڤە هاتین، لێ گەر سەحکەینە رەوشا ئیراقێ پشتی 2014ێ هاوکێشە ب تەمامی هاتیە گهورین، پارتی مژیلی پاراستا ئاخ و کەرامەتا وەلاتێ خوە بوو پشتی هاتنا داعشێ لێ ئەڤە بۆ دەلیڤە بۆ پارتێن دی یێن ناڤا هەرێمێ کار ژ بۆ لاوازکرنا پارتی بکەن و دیسان ل پەرلەمانێ ئیراقێ ژی هەر پێشنیارەکا دژی هەرێمێ هاتبا کرن ب لەز ئەو پارت دچوونە پشتگریا لایەنێ دژ و ئەو پێشنیار دکرنە بریار بێ گومان ئەو بریار ژی دژی هەموو خەلکێ هەرێمێ بوون لێ ژ بۆ وان دەست کەفت بوو ژ بەرکو وان دڤێت پارتی لاواز بکەن، نموونە ژی بگرە ژ قانونیکرنا میلیشیایێن حەشدا شەعبی یا داگیرکەر و دیسا برین و کێمکرنا بودجەیا هەرێمێ و گەلەک کارێن دی، گەر سەحکەینێ د بانگەشەیا ڤێ جارێ دا هیچ پارتەک ژ وان د بەرنامێ وێ یێ هەلبژارتنان دا نینە کو بێژن دێ خەباتێ ژ بۆ بەرژەوەندا نەتەوا کورد کەین یان دێ کار کەین حەقێ درست یێ هەرێمێ بهێت دان یان پارەیێن قەرەبوویا زیندانیێن سیاسی و کاڤلبوونا گوندان یان کیمیا بارانا هەلەبجە بهێنە دان بەلکو بەروڤاژی ب هەمی روویەکێ بێ شەرمانە دبێژن دێ چینە بەغدا دا سەنگا پارتی نەهێلین دا دەستەلاتا پارتی نەهێلین ئەگەرئەڤە د بانگەشەیێ دا هووسا ب ئاشکرای باخڤن باشە گەر سوبە ب چنە پەرلەمانی دێ حالێ مللەتی چ بیت د دەست ڤان نوونەرێن وەلات فرۆش دا.

جیاوازیا پارتی دگەل لایەنێن دی د ڤان هەلبژارتنان دا گەلەک یا دیارە پارتی ئەڤ جارە ب سەرکێشیا ئەندازیارێ ئاڤەدانیێ کەمپینا هەلبژارتنان یا دەستپێکری، بلا ژ بیرنەکەین نێچیرڤان بارزانی ئەو کەسەبوو یێ شیای جڤاکا نێڤدەولەتی پشتی بێدەنگبوونەکا درێژ ل سەر پێشیلکاریێن بەغدا دەرحەقا هەولێرێ دا کرین بینیتە سەر خەت دیسان ئەو عەبادیێ دگۆت ب تنێ ب هەلوەشاندنان ئەنجامێن رێفراندومێ دێ دگەل دەستەلاتدارێن هەولێرێ کۆمبم لێ بێ ئەو مەرج سەرۆکێ حکومەتێ ئەو دانا سەر مێزا دانوستانانێ و شیا بودجەیا هەرێمێ ڤەگەرینیت، لەورا سەرەرای وی دەنگێ نەرازیبوونێ یێ ل دەڤ وەلاتیان درست بووی لێ ئەڤ جارە پارتی ب سەرکێشیا نێچیرڤان بارزانی دێ ب هێزتر بیت ل بەغدا و دێ سەنگا هێزێ ب هێزتر لێکەت ژ جاران، ئەڤ هەلبژارتنا دێ بنە بنەما بوو بهێزبوونا بەردەوام یا پارتی.

 

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.