سەلاحەدین دەمیرتاشی رەخنە ل هەدەپێ گرتن

سەلاحەدین دەمیرتاشی رەخنە ل هەدەپێ گرتن

WAAR-دهۆك:

سه‌لاحه‌دین ده‌میرتاش كۆ بەربژارێ هەدەپێ بوو بۆستێ سەرۆکاتیا تورکیا ل ده‌ما هه‌لبژارتنێن بۆرى رەخنە ل پارتییا خوە گرتن و داخازكر، هه‌ده‌په‌ چالاکتر ببیت تا بشێت ببیتە دەنگێ گەلی.
سەلاحەدین دەمیرتاش، هەڤسەرۆکێ بەرێ یێ پارتییا دەمۆکراتیک یا گەلان د پەیامەکێ دا ل تۆرا جڤاکی یا فێیسبووکێ راگەهاند: وی نها چ ئەرک د ناڤ هەدەپێ دا نەماینە و دخوازیت بۆچوونێن خوە یێن کەسۆکی ب ئارمانجا پێشڤەبرنا کارێ هەدەپێ و رەوشا تورکیا به‌لاڤ بکەت.
ده‌میرتاش دبێژیت: هەدەپێ ب رەنگەکێ پێدڤی پەیوەندیێن خوە دگەل ئالیێن دی یێن ئۆپۆسزیۆنا تورکیا ل دژی بەرەیێ فاشیستێ ئاکەپێ و مەهەپێ بهێز نەکر و ل هەمبەر بنپێکاریێن پرۆسەیا هەلبژارتنێن ئەڤسال مایە بێدەنگ.
دەمیرتاشی هەروەسا نڤێسیە: گەر مرۆڤ ل هەمبەر شەر و توندوتیژیێ و نەهێلانا دیمۆکراسیێ بێدەنگ ما، مرۆڤ دبیتە هەڤپشکێ وێ و نەشێت نوونەراتیا گەلی خوە بکەت و ببیتە هیڤیا دەنگدەرێن خوە.
سەلاحەدین دەمیرتاشی ل داویێ داخاز ژ هەدەپێ كر، ل مافێن هەموو پێکهاتەیێن گەلێ تورکیا خوەدی دەرکەڤیت و خوە ژ سستبوونێ رزگار بکەن و چالاکتر ببیت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.