سەرۆکێ ھەرێمێ پشکداری رۆژا نیشتیمانییا ئیتالیا بوو

سەرۆکێ ھەرێمێ پشکداری رۆژا نیشتیمانییا ئیتالیا بوو

WAAR-دهۆك:

سەرۆکێ ھەرێما کوردستانێ پشکداری د رێورەسمێن رۆژا نیشتیمانییا ئیتالیا دا کر کو ژ ئالیێ کونسلخانەیا وی وەلاتی ڤە ل ھەولێرێ ھاتبوو سازکرن.
نێچیرڤان بارزانی سەرۆکێ ھەرێما کوردستانێ دوھی ئێڤاری ل ھەولێرێ پشکداری رێورەسما رۆژا نیشتیمانییا ئیتالیا بوو کو ژ ئالیێ کونلخانەیا گشتی یا وی وەلاتی ڤە ل ھەرێمێ ھاتبوو سازکرن.
رۆژا نیشتیمانییا ئیتالیا ژ سالانە ژ 1946ێ، ل 18ی خزیرانێ دھێت کرن کو ل وی دەمی راپرسی ل سەر دەستووری و شێوازێ حوکمرانیێ پشتی شەرێ جیھانیێ دویێ و کەفتنا فاشیزمان ل وی وەلاتی ھاتییە کرن.
ئیتالیا و ھەرێما کوردستانێ پەیوەندیێن دیرۆکی ھەنە، د شەرێ بەرھنگاربوونا داعشێ ژی دا، ژ وەلاتێن ئێکەم بوو ھاریکارییا ھێزێن پێشمەرگەی کری.
ئیتالیا ھەر د گەرما شەرێ داعشێ دا و ل 22یێ کانوونا ئێکێ یا سالا 2015ێ، کونسلخانەیا خوە یا گشتی ل ھەولێرێ ڤەکر، پێترۆ گراسۆ سەرۆکێ جڤاتا پیرێن ئیتالیا ژی ل وی دەمی بەرھەڤی رێورەسمێن ڤەکرنێ ببوو.

بابه‌تێن ب ڤێ مژارێ ڤه‌ گرێدای