سەرۆکێ ھەرێما کوردستانێ پێشوازی ل شاندەکا بریتانیا کر

سەرۆکێ ھەرێما کوردستانێ پێشوازی ل شاندەکا بریتانیا کر

WAAR-دهۆك:

سەرۆکێ ھەرێما کوردستانێ و شاندەکا بریتانیا کۆمبوون و ھەردو ئالیان رەوشا سیاسی و پەیوەندیێن ھەولێر و بەغدا گۆتوبێژ کرن.
نێچیرڤان بارزانی سەرۆکێ ھەرێما کوردستانێ، دوهى پێشوازی ل جه‌نه‌رال سیرجۆن لۆریمەر راوێژکارێ بلندێ وەزارەتا بەرگرییا بریتانیا بۆ رۆژھەلاتا ناڤەراست و شاندەکا ل گەل کر، د وێ ھەڤدیتنێ دا کو بالیۆزێ بریتانیا ل ئیراقێ و کۆنسۆلێ نوو یێ بریتانیا ل ھەرێما کوردستانێ د بەرھەڤبوون، رەوشا سیاسی و ئێمناھیێ یا ئیراقێ و ھەرێما کوردستانێ و ھەروەسا پەیوەندیێن ھەولێر و بەغدایێ گۆتوبێژ کرن.
شاندا بریتانی دەستبکاربوونا نێچیرڤان بارزانی وەک سەرۆکێ ھەرێما کورستانێ پیرۆز کر، د ئالیەکێ دی دا ھەردو ئالیان بەحس ل پێشڤەبرنا پەیوەندییان و ھاریکارییا ھەرێما کوردستانێ و ئیراقێ ل گەل وەلاتێن ھەڤپەیمان كر بۆ بنبرکرنا مەترسیێن تیرۆرێ و ئاڤەدانکرنا دەڤەرێن زیان گەھشتینێ.

بابه‌تێن ب ڤێ مژارێ ڤه‌ گرێدای