سەرۆکێن تورکیا، رۆسیا و ئیرانێ كۆم بوون

سەرۆکێن تورکیا، رۆسیا و ئیرانێ كۆم بوون

WAAR-دهۆك:

گۆپیتكا سەرۆکێن تورکیا، رۆسیا و ئیران یا ده‌رباره‌ی پرسا سووریا ب دوماهی هات و وان دوپاتی ل گرنگییا پاراستنا ئێكپارچه‌ییا ئاخا سووریا كرییه‌.
رەجەب تەیب ئەردۆگانی د كۆنگره‌یێ رۆژنامه‌ڤانی یێ پشتی گۆپیتكا ل گه‌ل ڤلادیمێر پۆتین و حەسەن رۆحانی دا راگه‌هاند: وان گۆتوبێژ ده‌رباره‌ی پرسا رۆژهه‌لاتا فراتی و پاراستنا ئێكپارچه‌ییا ئاخا سووریا كرییه‌، ئه‌و هه‌ڤرانه‌ ده‌رباره‌ی شه‌رێ دژی تیرۆرێ و ئه‌و پشته‌ڤانییا گرۆپێن چه‌كداری ژی قه‌بوول ناكه‌ن.
ئەردۆگانی گۆت ژی: وان پرسا كۆچبه‌رێن سووری ژی باس كر و ئه‌و دێ كار بۆ ڤه‌گه‌راندنا وان كه‌ن، سه‌رخستنا میكانیزما ئاشتییێ ل رۆژهه‌لاتا فراتی دێ وێ پرسێ چاره‌ كه‌ت.
سه‌رۆكێ ئیرانێ حه‌سه‌ن رۆحانی ژی ژ ئالییێ خوه‌ ڤه‌ گۆت: ئه‌مریكا پشته‌ڤانییا گرۆپێن تیرۆریستی دكه‌ت و وێ پلانه‌ك بۆ دابه‌شكرنا ئاخا سووریا هه‌یه‌، هه‌رسێ وه‌لات نیازێن وێ قه‌بوول ناكه‌ن و دڤێت رۆژهه‌لاتا فراتی ژ هێزێن ئه‌مریكی بهێته‌ ڤالاكرن.
سه‌رۆكێ رۆسیا ڤلادیمێر پۆتینی ژی د ئاخفتنا خوه‌ دا دوپاتی ل چاره‌كرنا پرسا سووریا كر و ده‌رباره‌ی پرسا دانانا ده‌ستوورێ وێ یێ نوو گۆت: کار بۆ پێکنانا لژنه‌یا ده‌ستووری د قۆناغا دوماهییێ دا یه‌ و ده‌ستپێكرنا كارێ وێ دێ قه‌یرانا سووریا چاره‌ كه‌ت.

بابه‌تێن ب ڤێ مژارێ ڤه‌ گرێدای