سەرۆکاتییا پەرلەمانێ کوردستانێ سەرەدانا بەرەیێ تورکمانی کر

سەرۆکاتییا پەرلەمانێ کوردستانێ سەرەدانا بەرەیێ تورکمانی کر

WAAR-دهۆك:

سەرۆکاتییا پەرلەمانێ کوردستانێ ب مەرەما پرس وراوێژێ ل سەر دەستوورێ ھەرێما کوردستانێ سەرەدانا بەرەیێ تورکمانی کر.
شاندەکا سەرۆکاتییا پەرلەمانێ کوردستانێ سەرەدانا بەرەیێ تورکمانی کر، پشتی کۆمبوونا لگەل بەرپرسێن وێ ئایدن مەعرووف ئەندامێ مەکتەبا سیاسی یا بەرەیێ تورکمانی دیارکر: کۆمبوونا وان د چارچووڤەیێ سەرەدانا شاندێ سەرۆکاتییا پەرلەمانێ کوردستانێ بۆ نک پێکھاتەیێن ھەرێمێ بوو و مەرەم ژێ گوتوبێژە ل دۆر نڤیسینا دەستوورێ ھەرێما کوردستانێ.
دووپات ژی کر: ئەوان داخواز کرییە کو مافێن پێکھاتەیان د دەستووری دا بھێنە دەستەبەرکرن و پێدڤییە دان ب مافێن کەلتووری، سیاسی و پەروەردەیی یێن پێکھاتەیان بھێتە کرن و مافێن وان پاراستی بن.
ئایدن مەعرووفی زێدەتر دیارکر: ئەوان داخواز کرییە زمانێ تورکمانی ب فەرمی د دەستوورێ ھەرێما کوردستانێ دا بھێتە نیاسین و مافێن پەروەردەیی ژی ب وی زمانی بھێتە پاراستن.

بابه‌تێن ب ڤێ مژارێ ڤه‌ گرێدای