سەرکرداتییا ئۆپەراسیۆنێن هەڤپشک: هێزێن ئەمریکی ل ئیراقێ نامینن

سەرکرداتییا ئۆپەراسیۆنێن هەڤپشک: هێزێن ئەمریکی ل ئیراقێ نامینن

WAAR-دهۆك:

سەرۆکێ ئەمریکا رەت کر هێزێن ئەمریکی ئێکسەر ڤەگەڕنە وەلاتێ خوە و حکوومەتا ئیراقێ راگەهاند، هێزێن ئەمریکی ل ئیراقێ نامینن.
دۆنالد تڕامپی د گۆتارەکێ دا راگەهاند، بەری ئەو ببیتە سەرۆک، وی سۆزا ڤەکێشانا هێزێن ئەمریکی ژ وەلاتێن دی دابوو و نها ئەو وان سۆزان بجهـ دئینیت، لێ سەربازێن ژ سووریێ هاتینە ڤەکێشان، ئێکسەر ناڤەگەڕنە ئەمریکا و ب گۆتنا تڕامپی، سەربازی دێ ب رەنگەکێ دەمکی ل هندەک بنگەهێن دی یێن ئەمریکی هێنە بنەجهکرن.
دەربارەی سەربازێن ئەمریکی یێن ژ سووریێ هاتینە ئیراقێ، سەرکرداتییا ئۆپەراسیۆنێن هەڤپشک یا ئیراقی د بەیانەکێ دا راگەهاند، حکوومەتا ئیراقێ رازیبوون نەدایە هێزێن ئەمریکی، تنێ رازیبوون ژ ئالیێ هەرێما کوردستانێ ڤە هاتییە دان و سەربازێن ئەمریکی ل دەمەکێ نێزیک دێ ئیراقێ بجهـ هێلن.
پشکەکا بچووک یا هێزێن ئەمریکی یێن ژ سووریێ هاتینە ڤەکێشان، دوهی چووینە هەولێرێ و پشکا دی، بۆ سەربازگەها عەین ئەسەد یا ئەمریکی ل پارێزگەها ئەنبار هاتینە هنارتن.

بابه‌تێن ب ڤێ مژارێ ڤه‌ گرێدای