رۆسیا به‌رهه‌ڤییا هه‌ماهه‌نگیێ دگه‌ل یه‌په‌گێ راگه‌هاند

رۆسیا به‌رهه‌ڤییا هه‌ماهه‌نگیێ دگه‌ل یه‌په‌گێ راگه‌هاند

وار – دهوك :

وه‌زیرێ ده‌رڤه‌ یێ رۆسیا فیدرال رادگه‌هینیت؛ وه‌لاتێ وی به‌رهه‌ڤه‌ هه‌ماهه‌نگیێ دگه‌ل یه‌كینه‌یێن پاراستنا گه‌ل یه‌په‌گێ بكه‌ت و بێی ئاماژه‌ ب جۆرێ وێ هه‌مانگیێ بكه‌ت.

سێرگی لاڤرۆڤ د په‌ڕله‌مانێ وه‌لاتێ خوه‌ دوما دا گۆت: رۆسیا ژ نێزیك یا چاڤدێرییا ره‌وشێ و گوهاڕتنێن ناڤخۆ ل سووریێ دكه‌ت، تایبه‌ت د رێزێن ئۆپۆزسیۆنا چه‌كدار دا و هه‌روه‌سا پێكئینانا وێ هه‌ڤپه‌یمانییا ل ناڤبه‌را یه‌په‌گێ و گرۆپێن چه‌كدارێن ئه‌ره‌بی و ئاشۆری، دوپات ژی كر، هنده‌ك گرۆپ د وێ هه‌ڤپه‌یمانیێ دا هه‌نه‌، رۆسیا ب تیرۆرست نزانیت وه‌ك ئاماژه‌ بۆ یه‌په‌گێ و هێزێن ئاشۆری و به‌رهه‌ڤی نیشان دا هه‌ماهه‌نگیێ دگه‌ل بكه‌ن.

هه‌ڤپه‌یمانییا یه‌په‌گێ و گرۆپێن چه‌كدارێن ئه‌ره‌بی و ئاشۆری ل ڤێ هه‌فتیێ هاتییه‌ پێكئینان و د به‌یانه‌كێ دا راگه‌هاندن وان ل به‌ره‌ شه‌ڕی ژبۆ سووریایه‌كا دیۆكرات بكه‌ن.

یه‌په‌گه‌ ب هه‌ڤپه‌یمانا سه‌ره‌كییا ئه‌مریكا د شه‌ڕێ دژی تیرۆرێ دا ل سووریێ دهێته‌ هه‌ژمارتن و ل ڤێ هه‌فتیێ ژی ب ده‌هان ته‌نێن چه‌كی بۆ هنارتینه‌.

بابه‌تێن ب ڤێ مژارێ ڤه‌ گرێدای