سینەما پرۆسێسەکا دیرۆکی یە نە پروسێسەکا دەم کورتە

سینەما پرۆسێسەکا دیرۆکی یە نە پروسێسەکا دەم کورتە

باوەر نوری

کو دبێژن سینەما کارێن کورد بۆ میناک د دەما دەهـ سالان دا دێ سینەمایا یەکا کوردی چێکەن، وەکو وەلاتێن دەستپێکی وەکو وەلاتێ فەرەنسا کو ب سەد سالان سینەما یەکا فەرەنسی دروست کری، ژبۆ ھندێ دا وەلاتەک بشێت سینەمایەکا گرێدای جۆگرافیا خوە یا کەلتۆری ب خوە ڤە چێکەن و پێدڤییە ئەو وەلاتێن پروسێسا سینەمایی یا دیرۆکی ب ئاوایەکێ ساخلەم دەرباس بکەت و گەلێ رۆژھەلاتا ناڤین ب گشتی ب تایبەتی کوردستان و د وێ رەوشا سیاسی دا یا کو کوردستان تێدا دەرباس بووی، ڤەقەتیانەکا دیر و درێژ دگەل ھەمی ئاوەردێن ئستاتیکی و مەعریفی ھەبووینە و کارێ شانۆیێ و مۆزیکێ ژی ئەڤ ڤەقەتتیانە دگەل ئاوەردێن ھەنێ وەل مەکرییە، ئەم ب ئاوایەکێ ژنیشکەکێ ڤە بکەڤینە، دناڤ دا و ناھێتە ئینکارکرن کو د سەردەمەکی دا ل کوردستانێ ب تایبەتی ل دەڤەرا بادینان چ تشت نەبووینە گرێدای خاندنا سینەمایێ، یان تەکنیکا سینەمایێ، بەلێ بزاڤەک ھاتە کرن کو دەرھێنەر و لیستکڤان و وێنەگر کوردبوون و ئەڤ بەرھەمە ل وان وەلاتێن پروسێسا سینەمایێ یا لێ گرنگ ھاتە نیمایشکرن، لەورا ژی نە ھندا ب ساناھی یە مرۆڤ ژنیشکەکێ ڤە سینەمایێ ب نیاسیت و گرێدانەکێ دگەل ژینگەھا خوە یا کەلتۆری دروست بکەت و چو نەتەوە نینن سینەمایەکا خوە یا تایبەت، چونکو سینەما ئاوەردەکا جیھانییە، بەلێ ھەرنەتەوەیەک تایبەتمەدێن خوە دناڤ سینەمایا خوە ھەنە، لەورا یا ل سەرمە پێدڤییە وەکو نەتەوایەکا دەستپێکی خوە ژلایێ کەلتۆری و زمانێ دیرۆکی ئێک لا بکەین دا کو بزانین ئەم کینە و ئەم ل چ دگەین و مەچ دڤێت و پاشی ب چینە دناڤ ھونەری دا و ھەکە ئەم ڤێ پرسیارێ بکەین و بێژین بۆچی مەبینەرێ سینەمایێ نینە؟ و بەرامبەر بینەر بێژیت بۆچی مە سینەمانینە ھوینگێ دێ بۆ مە دیاربیت کو سینەما ژدو رەگەزێن سەرەکی پێک دھێت ئەو ژی بینەر و نەمایشا فلمی یە و ل ڤێرە ژی بینەر یێ گونەھبارە ھەکە فلم نەبیت و د وی دەمی دا فلم یێ گونەھبارە ئەگەر بینەر نەبیت، بەلێ ھەر دو ژی گونەھبارێن سەرەکی نینن و گونەھبارێن سەرەکی ئەون یا کو من ل دەستپێکێ گۆتی و ھەتا نوکە ئەم تێنەگەھشتی نە.

بابه‌تێن ب ڤێ مژارێ ڤه‌ گرێدای