سینه‌ماكارێن رۆژهه‌لاتا كوردستانێ فلمان لسه‌ر پێشمه‌رگه‌ی دروستدكه‌ن

سینه‌ماكارێن رۆژهه‌لاتا كوردستانێ فلمان لسه‌ر پێشمه‌رگه‌ی دروستدكه‌ن

وار – دهۆک :

سینه‌ماكارێن رۆژهه‌لاتێ كوردستانێ كۆرته‌ فلمان ل سه‌ ر خۆ‌راگرى و به‌رخۆ‌دانا پێشمه‌رگه‌ی ل به‌رۆكێن شه‌ڕى دژى تیرۆرستان دروستدكه‌ن.
نه‌جات مه‌ولوودی ده‌رهێنه‌رێ فلمی كو خه‌لكێ باژارێ شنویه‌ دبێژیت: نها ئه‌م ل به‌رۆكێن شه‌ڕینه‌ و بۆ وێنه‌كرنا خۆراگرییا پێشمه‌رگه‌ی و شه‌ڕێ دژی داعشێ كار دكه‌ن و مه‌ لبه‌ره‌ دو كۆرته‌ فلمان دروستبكه‌ین.
نه‌جات مه‌ولودی دیاركر كو وى بخۆ سیناریۆ نڤیساندییه‌ و بكارێ ده‌رهێنه‌ریا فلمی ژى رابوویه‌ و گۆتژى: ئه‌ڤ كاره‌ وه‌ك ئه‌ركه‌ك بۆ نیشاندانا قاره‌مانییا پێشمه‌رگه‌ی من ئه‌نجامداییه و بۆ چێكرنا فلمی من بخۆ سپۆنسه‌رییا ڤى كارى كرییه‌ و چ ئالییان هاریكاری دگه‌ل من دا نه‌كرییه‌، ئاماژه‌ كرژى، سۆران، ئیبراهیم، نیوشا مودیر، کەیهان ئەنوەر، عومەر سەمیر، مورتەزا خان‌ محەمەد، مەریەم دوستی و هەردی حەسەن دگەل نەجات مەولوودی كار دكه‌ن.
دهێته‌ زانین، نه‌جات پارسال ل فه‌ستیڤالا لاوین سینه‌ماكار یا هه‌ولێرێ به‌شدار ببوو و بۆ فلمێ “غه‌زه‌له‌ك ل تاریێ”خه‌لاتێ باشترین ده‌رهێنه‌ر و باشترین وێنه‌گر و باشترین ئه‌كته‌رێ زاڕۆ د وى فلمى دا بده‌ستخۆڤه‌ئینا.

بابه‌تێن ب ڤێ مژارێ ڤه‌ گرێدای