سۆنی و بلاکبێری دێ ژ بازارێ موبایلان ده‌ركه‌ڤن

سۆنی و بلاکبێری دێ ژ بازارێ موبایلان ده‌ركه‌ڤن

وار – دهوك :

د ڤی شه‌رێ گه‌رمێ نها یێ تێله‌فۆنێن ژیردا ل ناڤا بازاری، هه‌ردو کۆمپانییێن سۆنی و بلاکبێری هزر د خوه‌ ڤه‌کێشانێدا کریه‌ ژ بازاری ل داوییا سالا بهێت ژ سه‌ده‌مێ ب ده‌ستڤه‌نه‌ئینانا قازانجێن پێدڤی لڤێ داویێ، هه‌روه‌کی هاتی د رۆژنامه‌یا “ده‌یلی مه‌یل” دا.
سه‌رۆکێ جێبه‌جێکار یێ کۆمپانیا بلاکبێری، جۆن چه‌ن، د داخوه‌یانییێن رۆژنامه‌ڤانی دا دیارکرییه‌ کو کۆمپانی دێ ژ بازارێ تێله‌فۆنێن ژیر ده‌رکه‌ڤیت ئه‌گه‌ر د هه‌وڵدانا خوه‌ یا داویێ دا ل داوییا سالا 2016 ژبۆ ڤه‌گه‌راندنا بکرێن خوه‌ سه‌رنه‌که‌فت ئه‌وژێ ب رێکا بکارئینانا سیسته‌مێ ئه‌ندرۆید.

د هه‌مان ده‌مدا سه‌رۆکێ جێبه‌جێکار یێ کۆمپانیا سۆنی، کازۆ هیراری د داخوه‌یانیێن رۆژنامه‌ڤانی دا دیارکرییه‌ کو ئه‌و دێ داوی چانس ده‌ته‌ زنجیره‌یا تێله‌فۆنێن Xperia بۆ دوپاتکرنا خوه‌ د بازاری دا هه‌تا داوییا ئه‌ڤ ساله‌، هه‌روه‌سا ئاماژه‌ ب وێ چه‌ندێ دا کو ئه‌گه‌ر به‌شێ ئامیرێن مۆبایلان Sony Mobile د ناڤا کۆمپانییێ دا ئاستێ دارایی باشتر لێ نه‌کر ل سالا 2016 دێ مه‌ هنده‌ک هه‌لبژارتنێن دن هه‌بن ئیك ژوان دبیت ده‌رکه‌فتنا مه‌ بیت ژ ڤی بازاری ب ته‌مامی.

ل دووڤ ئامارێن کۆمپانیا سۆنی یێن سالا بۆری، کۆمپانی نه‌ شیایه‌ خوه‌ ب سه‌پینیت د ناڤ بازارێ ئه‌مریکی دا و به‌هرا وێ دناڤا بازارێ باکوورێ ئه‌مریکادا ژ 1% ده‌ربازنه‌بوویه‌، کو دهه‌مان ده‌مدا به‌هرا وێ یا بازاری ل وه‌لاتێ ژاپۆنێ کو وه‌لاتێ ده‌یکه‌ بتنێ 17.5% بوویه‌.
سه‌ره‌رای خواندنا هه‌موو هه‌لبژارتنان، هیراری یێ گه‌شبینه‌ کو دێ تێله‌فۆنا وان یا نوو Xperia Z5 سه‌رکه‌ڤتنه‌کا مه‌زن ب ده‌ستخوه‌ڤه‌ ئینیت ژبۆ بلندکرنا قازانجێن کۆمپانییێ، په‌رده ل سه‌ر ڤێ تێله‌فۆنێ‌ هاتییه‌ راکرن ل به‌رلینێ ل مه‌ها بۆری.

دیسان سه‌رۆکێ بلاکبێرییێ ژی گه‌شبینییا خوه‌ دیارکر ده‌رباره‌ی که‌رتێ تێله‌فۆنێن ژیر، کو دێ زڤریت‌ ب قازانجێن مه‌زن ڤه‌ ل نێزیک، ب تایبه‌تی دگه‌ل بکارئینانا سیسته‌مێ ئه‌ندرۆید، دگه‌ل ساخله‌ت و دیزاینێن پێشکه‌فتی و نوو کو دێ کۆمپانی ب رێکا تێله‌فۆنێن خوه‌ یێن ژیر پێشکێشکه‌ت.
ژێده‌ر:
http://www.alarabiya.net/ar/technology/2015/10/10/

بابه‌تێن ب ڤێ مژارێ ڤه‌ گرێدای